蒜香豆豉炒蚵仔（生蠔）~附食譜

依味好簡單，估唔到一次就大成功，不過今日快得太少蚵仔，下次一定encore~

1）蚵仔洗淨用廚房紙索乾水備用。

2）蒜蓉和豆豉適量拌勻，蔥切段和辣椒切粒備用。

3）

4）燒熱油鑊爆香蒜蓉豆豉，下蚵仔快炒10秒贊酒。

5）落調味料雞汁再兜炒數秒後。

6）加入蔥段和紅辣椒炒勻上碟即成。

p.s.:蚵仔不宜過熟，太熟會縮水，炒時時間要控制好

蚵嗲(蚵仔炸)-附食譜

尋日鄰居喺佢娘家攞咗d海產返黎比我地,

佢d蚵仔好大隻好鬼靚

因之前同老公去海邊食蚵嗲

一食就愛上咗

一於老翻

上網搵材料,有人加豬肉

但我唔想加其他野

只係想食返原味

但最後炸出黎略嫌粉厚咗少少,外皮唔夠鬆脆

但老公話內餡就好鬼正

第一次都算成功既

蚵仔洗淨瀝乾水份 . 韮菜洗淨瀝乾切0.5cm幼粒備用

粉漿材料: 在來米粉(粘米粉)200g . 中筋麵粉100g . 水 300ml . 生油1 1/2湯匙 . (鹽 . 糖 . 胡椒粉各少許), 將所有材料拌勻成粉漿備用

1. 在橢圓大湯杓上掃上一層油,加入少許粉漿

2. 灑上一層韮菜粒,加入蚵仔數隻,再灑一層韮菜粒

3. 在面層再加入粉漿

4. 放入180C熱油中炸至開始定型,再用另一隻湯杓多其取下,將蚵嗲炸至表面金黃即可

食時佐醬油膏/甜辣醬

叉燒角&咖哩角(附食譜)

上星期去街市買左幾塊松板豬肉返黎整叉燒,因為我唔知梅頭台灣叫咩,喺豬肉檔切起既豬肉冇一part個樣似梅頭,同埋我想食有少少肥既叉燒,唔想買柳枚,點知果幾舊松板燒左出黎先知道賴左野,佢肥到咬落口感好唔鐘意

叉燒 . 鮮蝦腸粉(附食譜)

喺咁多港式點心之中,老公最最最愛既係腸粉,特別係叉燒腸!!次次返香港佢日日都要整咁碟

咖哩魚蛋(附食譜)

依個又可以俾我思鄉香港味

之前只會喺大型超市先會搵到依隻炸魚蛋

估唔到我屋企附近既超市仔都有得賣喎

即時老翻香港小販既咖哩魚蛋啦

整好我已經食左3串

快 . 靚 .正

                        

大腸蚵仔麵線/蚵仔麵線(附食譜)

鄰居個歐巴桑娘家住喺海邊,佢一返親去就會攞好多海產野返黎俾我地食...前日又一大袋蚵仔(蠔仔),大多本來想煲蚵仔湯算架嘞,突然向難道挑戰,整老公最愛既蚵仔麵線...

就係咁為左大袋蚵仔,又去超市買豬大腸...最近發現超市有賣處理過既大腸,買返黎可以直接炒/滷,都幾方便...

老公話驚豬大腸有味,要我先滷左佢再整,我上網搵食譜,冇一篇教煮蚵仔麵線d大腸要滷既,不過我都係滷左佢先(我個醃尖老公真係好鬼屎煩)

魷魚羹米粉(附食譜)

真係食羹食上癮,今次又黎羹...味道完全抄足"台灣花枝羹麵",估唔到真係咁鬼似喎

以前住台中,成日去"台北花枝羹麵"食,而家搬到鄉下住真係要諗諗計,所以以我既記憶老翻佢,老公食過都話正...而且25分鐘都唔駛就攪掂

香菇肉羹湯(附食譜)

繼上次整左個魚翅羹之前,對整湯羹產生興趣,即刻上網搵下台灣既古早味湯羹,見到有好多教做肉羹既食譜,個心郁郁即刻想試...

問題係做肉羹要用魚漿/魚膠,我從來冇買過,更加唔知有冇得賣,聽人講魚檔實有,魚檔老闆好好人話我知魚漿喺賣乜丸物丸檔攤有賣,搵到嘞...原本一直以為好難搵既野(覺得)係好易買到,做肉羹當然要買埋肉啦,我買小里肌(因較嫩)

涼拌茭白筍(附食譜)

老公個客俾左一大袋茭白筍過佢,叫我地煮黎食,因為佢地有種,話最近茭白筍好鬼貴,就咁屋企多左一大袋!!要諗諗計將佢地消耗d先得

天氣熱熱地,唔想食熱野,就整個涼拌茭白筍啦...

平時口痕當零食都唔錯,好爽口青脆又健康...老公清左大半碟

滷味

好耐冇食滷味,之前成日滷肉,依幾日追連續劇又講滷味,今日一於去買d豆乾同海帶返黎滷啦

前幾日去街市買左四舊豬肉(我唔知係邊個部位),賣肉嘅歐巴桑同我講依四舊就咁滷就好好味,佢地就係我之前喺出面麵檔食到好Q又唔知叫咩名嘅肉,滷出黎真係好好食,同出面口感冇分別

台灣人真係好鐘意食豆乾,而且豆乾最有好多種,有d又有size分,不過我黎黎去去都係買果一兩種,因為味道滷出黎真係差唔多~

今次再加埋海帶,滷左一大煲,聽日可以配賴粉做lunch...就唔駛諗煮咩好嘞

鐘意飲兩杯嘅又可以當小菜,真係一流

米粉湯

買到嘞....

特別鳴謝兩位格友Vca同Mami介紹,今次返香港買到我恨左好鬼耐嘅賴粉,因為行李關係,是次只能買5包...返到黎即刻食左一包,冇錯,係我一個人食哂一大包,好滿足

豬肉捲餅

上次再一次食牛/豬肉捲餅之後,老公一直對佢念念不忘,成日想再食...咁岩見blog友T&P有食譜,就一於買材料返黎自己整,出黎味道同上次食既差唔多

餅皮做法: 中筋麵粉加入滾水攪勻,再加凍水和油少許將麵粉搓成糰,用保鮮紙包好靜置半小時

取小塊糰麵擀成薄餅

燒熱鑊將薄餅略煎備用

在薄餅皮塗上甜麵醬,加上豬肉餡(我用左之前滷好既日本叉燒)和蔥後捲起,切件即成

再黎魯肉(心機篇)

之前整既魯肉所用既肉係我買現成碎肉黎既,所以唔係出面食開既魯肉,上次果種其實係台灣黎講叫肉燥,所以今次唔再偷懶,整返煲真正既魯肉食下先,果然口感唔同哂

肉燥

因為滷豬脷剩返都幾多滷汁,我又唔鬼捨得倒左佢,見雪櫃又有一包肉碎,一於整煲魯肉

新港生炒鴨肉焿

琴日買完毛巾之後已經差唔多4點,因為老公超級掛住嘉義新港生炒鴨肉焿,佢係大陸既時候已經講明話返黎要去食,佢仲晒鴨肉焿毒喇

依碗就係老公夢寐以求好耐既生炒鴨肉焿喇,佢有咩咁巴閉?會令到老公成日掛住

仲要揸成粒幾鐘去嘉義食佢個碗仔...就係因為佢夠好食又地道

佢仲係只些一家,絕無分號,所以大家如果黎台灣,見到嘉義新港以外地方有鴨肉焿賣,佢就唔係正宗,好多家電視台都去採訪

所以佢地可以咁囂張賣$30一碗仔都仲會有好多人大排長龍去食啦

仲有佢只係賣鴨肉焿架咋,冇其他食物,都係咁鬼受歡迎

而且老闆堅持唔俾開分店,話說老闆兩個仔女想各自出黎開分店都俾老闆拒絕

老闆驚分店唔夠正宗會拆佢辛苦經營既招牌

所以最後兩個仔女輪流經營間老店一星期

最後老+老公每人整左碗,老公唔夠喉再外帶兩包(每包$100)返屋企做配晚餐

懶人早餐~~蛋餅(台式Pancake)

又係一個適合懶人煮既早餐,難得我同老公+老爺都鐘意食,仲有會好食到之前細皮蛋日日要求我整俾佢做早餐