一生一世禮物 2013-12-31

Happy New Year Everyone

橫誇1314(一生一世)

老公早早訂咗部Vespa機車(電單車)作為我既新年及生日禮物

好愛依個大玩具呀

我的新竉~Thomas Sabo

我的第一個Cast Iron by Le Creuset

早排老公睇報紙突然問我 : 妳不是一直很想買這個超重的鍋嗎?(冇錯~佢既字典只知道LC係一個重煲,其他一概唔知)

我果刻知佢肯比我買,緊係即刻用好想要既表情同佢講 : 是呀~你要送我呀?

就係咁佢終於送我第一個Cast Iron...

之前行百貨公司LC專櫃睇過下,我屬意係24cm round casserole,但佢地既顏色唔多,我就上LC既website睇,Teal係我+老公都鐘意既顏色,望落好舒服,因為新光唔見有Teal,最終就上網搵代購,價錢仲平百貨公司好多,即刻訂咗佢返黎...

我仲未開光呀,好心急想快d用佢

入好野

早兩個星期計劃左剛過去星期六約埋台中一班姊妹去探另一個姊妹同佢既初生BB,點知上星期老公先話我知佢星期六要去日月潭做野,所以臨時被迫取消個meeting(只係我去唔到,其他人應該玩得幾開心)咁就造就左我多左個shopping Saturday嘞

是日最主要係去埔里酒廠買酒...後解~~

Vivienne Westwood Anglomania + Melissa Zen Girl Heart Flat Sandal

終於收到嘞~~~

V.Westwood x Melissa Zen Girl

巴西Melissa係Grendene旗下既品牌,係一間專做橡膠果凍鞋既公司,雖然係膠鞋,但佢地做出黎既鞋唔會刮鞋,好舒服,仲有加左一種香料,著左對鞋唔會臭,佢地話到明香味可以維持1年都冇問題喎(其實我果對Grendene涼鞋到而家兩年嘞仲係香架)

為禮物而購物

琴晚見到小豬最新屈人寺廣告,購買衛生棉同口腔商品滿NT$288就送愛心cushion,真係幾cute喎...

話說屈人寺每星期五購物滿NT$888,用Citibank credit card有9折,所以我屋企既衛生棉同牙膏嚮上兩個禮拜入哂貨嘞

久違既台中半日遊

好耐冇去台中行街嘞,一來冇車揸,二來老公又要返工,就算平時weekend老公得行都唔想去,因為佢公司喺台中(佢話唔想weekend都要去返工既地方喎)就咁我都冇得去

我最近真係凍未條嘞,今個weekend一定要去,事關我睇中左Vivienne Westwood x Melissa-Zen Girl既涼鞋好耐,所以決定要去買,就係我既堅持迫到老公屈服...點知去到Westwood見唔到我想要果款,得高踭,我要平底呀!!唯有上網買啦...

一場去到勤美,順便落去地下39元店買圓紙盒,因為答應左朋友要做個不織布蛋糕盒俾佢,到而家已經大半年嘞,推左咁耐係時候要做,又係冇(今日真係唔係我既shopping day)買唔到我心目中plan好要買野,反而買左一d我搵左好耐都搵唔到既野!!

北部半日遊

上星期日送完皮蛋機,去到北部既指定動作,去桃園IKEA嘆個超值早餐(NT$39),因為抵,所以每朝都會有好多人,試過閒日去,一樣迫滿人!!!

既然去到IKEA,冇奶油只係食早餐就走架,點都要帶d野走既,依個可能係點解IKEA早餐咁平既原因,去食個早餐外帶一d產品(shopping),點計佢地都係有賺

我的新寵兒~~CANON POWER SHOT G11

終於到手嘞...

老公部DC廢左好耐,佢因為工作關係攞左我部傻瓜相機,依幾日我都冇相機用,咁我就緊係把握依個大好機會叫佢買部新野俾我啦

其實我想換相機好耐架嘞,話過我唔會再買傻瓜機架嘞,但係我對DC又冇咩研究,又未去到可以買專業,驚買左唔識用

睇雜誌同埋上網見CANON既POWER SHOT系列好受歡迎,於是就將佢列為我既目標,同埋我地間屋都係租俾CANON,賺佢地錢,點都要幫襯返佢地既

禮拜日老公就帶我去燦坤揀相機,話送我做結婚週年(3月26日)禮物...嘩,即時好感動呀

是日本來想買G10...因為係舊既一代,燦坤話已經冇貨嘞,我就問G11有冇,佢地話要訂(因為依系列實在太受歡迎,要預定先有)老公二話不說就落order,琴日貨到左嘞,夜晚等老公放工即去攞...

但係去到發生左d唔係咁愉快既事,果兩個死人sale屎,真係俾佢地激到我地有d唔想買,佢地兩個異形男女,態度差兼動作慢,兩條友serve我地攪到後面排哂長龍~~

之前訂果日係店長serve我地,店長已經話會送8G既memory stick過我,又可以以會員價購買,琴晚因為店長off,我就講係咪有送8G stick,果兩條異形話冇得送,乜Q態度呀,我即刻同佢講話店長話送架,個賤男即刻把電話問店長係咪,之後好唔老黎咁攞俾我地,又話老公既member過左期,要加400重新入會先可以有得平,真係頂佢地個肺呀!

我即刻串佢地一句"一年之內沒消費就取消會員,哪有人那麼閒一年換電器一次呀,你們公司怎樣也可以賺400,擺明A錢嘛"佢地聽到即時冇聲出...把幾火真係想走人,但係最後老公都係忍住,順利帶左佢返屋企...本來好興奮既一場shopping,俾果兩條騎呢怪攪到心情down左一半!!不過我唔會就咁罷休,我攞左店長電話,會投訴佢地既服務態度

韓式醬料

係英國讀書時期我係同Auntie(媽咪朋友)個仔兩公婆一齊住,佢老婆S係韓國人,就係因為咁我由一個唔係好食辣既人變成左餐餐泡菜送飯,而改變我既人唔係韓國老婆S,係佢媽媽(Ming Jia yi more)

話說有一年Easter佢去左英國探佢個女,佢個女S要返工,所時平時都係我照顧佢媽咪,因為大家雞同鴨講既關係,同埋人地山長水遠黎到,平時叫我食野我真係唔好意思拒絕!所以就係個時起朝朝早餐食勁辣韓國餐

連續食左差唔多3個月(唔計午晚餐)想唔食得辣都幾難...

所以而家定期都會買現成泡菜返黎食,但係要買地道既泡菜唔容易,同埋價錢都唔平,細細瓶要成兩百幾蚊,所以就想自己買材料返黎自己整...但我又搵過我住依邊到台中都唔多覺有韓式材料賣,因為大部依d野都係係台北容易搵,我又冇理由走去台北咁遠...

於是又上網搵,台灣既網路商店實在太方便,比我係奇摩(Yahoo)拍賣搵到有專賣韓國材料網,即時扑鎚買晒d材料返黎,台灣訂購網既送貨服務大至分為3種~~ 1)宅配  2)貨到付貨  3)超商即便利店(7-11, OK, 全家...etc)我今次揀既係超商取貨,因為平比宅配10蚊...貨到付款係最貴,通常冇乜人揀...

訂左兩日貨就已經到左我指定既便利店,我好suprise佢地比其他網路商店快...睇下我訂左d乜先

辣椒粉600g .

魚乾粉一包 . 海鮮粉一包 . 韓式辣椒醬(煮拌拌飯用) . 韓式麵豉醬(煮紫湯用) . 味醂...因為訂既時候唔見有蝦醬,但後黎俾我係佢地PChome個網又搵到,所以另外買多支,所有加埋唔駛1000蚊,都唔貴...依度夠滿足我韓想症

興隆毛巾觀光工廠

上星期老公經朋友介紹,帶左佢去參觀一間係雲林虎尾既毛巾工廠,老公返到黎同我講話我一定會鐘意一定要帶我去參觀

Shopping Day~台中

星期六我+老公去了台中一轉,因為我地已經有年幾冇去睇牙醫喇,所以星期六去洗牙,跟住就去shopping下啦,唔知點解我之前買俾老公既polo shirt好多都搵唔到,攪到老公成日著黎著去都係o個幾件,因為台中又搵唔到好似香港duty free咁買burberry有得平,所以都係等返香港再買俾佢.....o個日話就話陪老公買衫,但我見到Net有sale,就入去睇下啦,我個人對衫冇乜特別要名牌,之前係英國我都係買H&M+TOPSHOP+Mango,香港就IT個咋,因為女仔d衫成日換款,所以我都唔會買特別貴既衫,因為台灣冇H&M+TOPSHOP,而Mango我之前買左好多,而且台灣都有間類似H&M+TOPSHOP既店,叫做NET,佢既design同quality都唔會輸H&M,d款同H&M都幾似,最重要既係價錢又係大眾化....O個日我睇岩兩件有discunt,買兩件50% off,我就拿拿林囉去試,有件好似特返我手上一件,有個女仔見我囉住覺得靚就狂搵我o個件,我見咁樣就梗係唔會放返去啦,一於試左先,唔岩再放返去,hahaha...一試好岩身wor,真係要同個女仔講聲唔好意思,不過台灣咁多net,實有一間有我依件衫既,我兩件衫原價$890+$990減一半,唔駛$1000就有,抵呀...老公都見到岩既衫,都買左幾件,是日shopping開心!

       

是日我+老公的戰利品

                    

就係依件有人同我一樣睇下左,可惜佢慢我一步,我依種心態真係唔係幾岩,不過我都控制唔到

                 

我真係好鐘意買長版衫,因為可以遮住我唔好既身材,話時話屋企既長版衫多到有d都俾我遺忘...又係一個敗家!

手提外用電話筒

前幾日心血來潮好想買個電話筒,事源兩年幾前係newspaper見到栢芝用,我就好想買,而且大S又推薦,話可以防止輻射,我就上網搵,初時以為好貴,點知我一search,實在太平啦,一個250連郵費,兩個都係$390咋,所以就買兩個!而我用iPhone,另外多訂一個轉接插頭,加埋都係港幣100蛟,實在太平啦,昨天收到貨既時候見到太靚喇,原來賣家另外有送一個Sony Ericsson既插頭,岩晒另外一個俾叔仔老婆,因為佢都係like pink,我就買左兩個pink,佢有6個colors可選!音質仲好好tim...Happy