台灣囍慶禮

結婚囍餅❤

香港人結婚會喺囍帖裡面夾張餅卡，係好似好方便，不過感覺較冷漠！

在台灣，結婚通常女方家人會派嫁女餅，唔係餅卡，係現兜兜一盒盒嘅禮盒！因為習俗，所以台灣有好多做餅嘅工廠！因為現代人，老一輩嘅大餅逐漸比西式曲奇所取代！

台灣啲囍餅店將囍餅設計得非常美麗，下面係我收到嘅部份嫁女餅！

尋日收到嘅，係叔仔個姨仔嘅結婚囍餅，星期日可以去冚~ ❤

老公同學嘅

老公同事嘅

老公同事again

62鄰居嘅

真係款款都好靚，食哂入面嘅曲奇個盒可以放嘢呢~❤

除咗結婚囍餅，生BB都會送，不過係有生男生女之分嘅！

 

生男嘅就會派油飯~鄉下地方老人家會自己煮油飯+一隻雞咁送架~

生女嘅就送蛋糕~

我都幾鐘意台灣依啲傳統，收到嘅人會好窩心，又可以增加親朋好友之間嘅感情呢~ ❤

大甲媽祖遶境2010

一年一度世界級的三大宗教盛事既大甲媽祖遶境又開始嘞,信眾喺4月16日晚11點開始由起點地台中大甲,為期9日既遶境進香活動,目的地係嘉義新港既媽祖廟!!!往年媽祖遶境只有8日,因為今年參加既信眾人數激增(大約70萬),所以今年安排多1日俾信眾一睹媽祖既風采,感念媽祖的庇祐...

沿途進香信眾會到不同既媽祖廟住宿及休息,琴晚進香團已進入我地依邊,但會喺回程時(下星期四)先會入住我依邊(北斗)既媽祖廟...

今朝開始已有好多人準備拜祭物品(我冇準備,因為我唔識,所以有心就夠)我屋企出面馬路係遶境路線,鄰居個個好早就準備迎接媽祖,中午我同老公又去湊熱鬧,鄰居見到我地踩單車到即叫我地一齊等,等咩呢???

 等躦媽祖既轎底(依個係民間習俗,鑽媽祖轎底寓意得到媽祖既庇佑)我本想叫老公負責鑽,我就拍低,到最後我都去鑽埋一份,誠心許願

所以最後都拍唔到鑽轎底既情況,等媽祖回程再睇下拍唔拍到先

我黎左台灣4年幾,都未試過好似今日咁,特別係能夠順利鑽到媽祖轎底,感覺好好...雖然我冇特別既宗教信仰,個人都幾鐘意依種民間活動,其實依類型活動一直能夠流傳落黎真係唔容易,而且參與既人更有年輕既吹勢,可以反映台灣真係非常自由(依點值得讚)...如果俾著大陸,可能一早俾佢地冠以一個邪教既名字...希望台灣可以一直自由民主落去!!!

慶過火屎~~俾台灣政府玩死

我上星期係香港寄左一箱海味臘/膶腸返黎台灣,因為我係空運,郵差話一個星期就會到!我就等啦,同時日日上網check我箱包裹既進度,佢早係1月7日已經到左台灣(我1月4日寄)之後再冇下一步進展,我已心知不妙喇,一直都好鬼擔心

琴日終於收到郵局寄黎一個信封仔,我以為係叫我去郵局領取包裹,果一刻真係有閃過開心,當我拆開信一腸,就見到依張宣傳單張,我就知(賴)左嘢

見到張嘢我都唔多開心,最最最激氣就係另外佢地動植物檢疫訖俾我既依張嘢,話喺我個包裹入面發現香腸(係臘/膶腸),俾你地抽出黎都唔緊要,但點解要話香港係口蹄疫發生地區,香港幾時有發生呀?就算有發生過都係咸豐年既事啦!!頂呀....唔俾入境都唔駛咁樣講呀?!

佢仲話咩俾兩個choice我揀:

1. 叫我帶身分證去辦理部分退運和領取冇問題物品...仲要本人自備紙箱 . 包裝好同埋郵資寄回香港(唔可以銷毀嗎?)

2. 唔鬼去領撥個輪俾佢地全部退回寄出國(香港)

不過我唔會同我d海味過唔去既,我會選擇1)咁d腸我唯有寄返去香港囉

所以話我已經幾年冇食臘/膶腸喇,咁都唔俾我過下口癮,驚死我會傳播d菌俾佢地咁,真係攪到我冇啖好食

統一發票開獎

好多人黎台無論去邊度消費,都梗會收到一張發票,我初到台灣既頭個個星期都係收到d發票對完銀碼就會順手揼左佢,因為覺得冇咩用,後黎老公講話可以對number嬴cash,我先知到我個個禮拜可能中獎都唔知至此之後我就有儲發票既習慣

消費券換領日

昨日終於到了換發消費券了,而我和老公的沒有去領,因為我們要去台中領,昨日又是老公的姨媽娶新抱,我們就去飲就換不到,因為政府規定昨日如沒去領的話,要等到2月9號到4月到指定的post office領,所以我們就只好等到2月去領....而且政府說一戶派一個代表去領就可以了,所以我們家就派叔仔代表去領,所以我就拿他們的消費券拍個照,好細張,仲有錢既味道,真的是mini money吧....不過台灣人因為消費券把政府罵到臭頭,確實派個消費券就攪到超麻,18號冇去領又要等到2月份,攪到大家昨日排大隊趕在5:00前領到,大家的感覺就是政府將我們當成(黑依)或者係救濟大家,派個錢都好似派得不情願,真係有點討厭!2月我們才能用它消費,不過大姑奶o個份俾我用,所以我而家就有$3600...Happy!用佢在台中消費可以抽豪宅,所以我要去台中Shopping!

            

遲來的"海角七號"

承接之前的一篇文章....我終於看了"海角七跪"!!本來我以為老公只帶我到附近的小型cinema看,結果他就去台中的viewshow(華納威秀)看....這部電影比我預期的還要好看,雖然有很多時候是說台語,但是真的很攪笑!這絕對是一部攪笑戲而不是愛惰戲,而且愛情部分實在有點莫名其妙...但在這個故事裡可以看到大概60年的情書,在現在的社會還是非常的感人!真是很值得看的一部戲,還是台灣近年最賣座的,我給它95分!!!  大家有興趣不防看看...