2013-03-08 牛扒餐

最近終於申請咗Costco會員 

搞到太興奮每星期都去採購一次

老公話weekend想食牛扒

就買咗一packed返黎星期六晚餐

件件都成吋厚好正

老公食完唔夠喉

要星期日再encore喎

茅問題!!

暖笠笠兩餸一湯晚餐 2013-11-28

依兩日氣溫驟降

尋日仲又濕又凍

唔想出街食飯

喺屋企煮個簡單兩餸一湯晚餐都好正

蒼蠅頭

上個星期因為有由客人由丹麥來

我朝頭早一早出門

到夜晚成11點先返到屋企

雖然老細請客餐餐食好野

又可以見靚仔

但我都係掛住同老公食我既粗茶淡飯多d囉

所以一解放即刻煮老公指定既蒼蠅頭過佢

食到佢lam lam脷

簡單又滿足

蒼蠅頭食譜click here!!

椒鹽豬扒(附食譜)

上星期見到網友有整椒鹽雞扒,睇到我好鬼想食呀!!但我屋企附近超市冇賣雞扒,要去遠少少既大型supermarket先有,自己又懶起骨,於是就用豬扒代替,一樣好好味



整依味跟食譜調咗一份椒鹽粉,見味道真係好香,就再encore調一樽備用

食譜參考至 T&P

椒鹽粉：鹽 2 茶匙 . 糖 1/4 茶匙 . 沙薑粉 1/2 茶匙 . 五香粉 1/2 茶匙 . 川椒粉 1/2 茶匙
(我冇川椒粉,用咗辣椒粉代替)

1. 豬扒用椒鹽粉和粟粉醃半小時

2. 薑和蒜頭切成蓉,蔥和辣椒切粒待用

3. 燒熱油鑊,將豬扒煎至兩面金黃熟透盛起

4. 另起油鑊爆香蒜蓉和薑蓉,落豬扒略炒贊酒

5. 加入蔥花和辣椒粒兜勻上碟即成

香茅豬肉片

南乳香芋扣肉(附食譜)

前幾日我喺臉書度同一個住喺基隆既姊妹傾開,佢話叫左佢朋友幫佢帶南乳黎台灣,係呀,台灣又係冇南乳架,只有紅粷豆腐乳,但味道真係差十萬九千里!!

於是我就叫果位姊妹可唔可以叫佢朋友幫我帶埋,咁岩佢話有兩樽就寄左樽比我,真係好感激...

頭炮本來想整南乳燜鴨,低係鴨檔冇擺,所以改整南乳芋頭扣肉,哇...真係好正呀,老公+62食到lam lam脷,老公話個汁好好送飯!!依個餸清哂

魚香茄子(附食譜)

講就講叫做魚香茄子啫,其實我冇落鹹魚架,佢只係猛車邊叫下做魚香...

事關喺依邊冇乾鹹魚賣,冇錯,依邊d鹹魚係濕既,同埋唔多似鹹魚!!入正題

我煮食味係用泰國魚露+蝦膏煮既,而豬肉我又係用懶人法買現成免治豬肉返黎煮,估唔到出黎都好惹味架,送飯真係一流

上海排骨菜飯(附食譜)

依個又係想食好耐,以前喺香港返學時,至鐘意lunch time去食上海餐廳"燕雲莊",佢d上海菜飯真係好好味...

前幾日FB有個同樣嫁黎台灣既網友整左依個上海排骨菜飯,見到我流哂口水,即刻叫佢俾食譜我啦...

琴日整黎食,老公勁讚好好味,佢係未食過上海野架(除左上海小籠包),佢第一次食就好有驚喜,叫我以後煮多d俾佢食...連62唔食菜既都勁話好味,今次大成功

炆五香花生豬手(附食譜)

個豬手係上星期五炆既,炆黎俾我62星期六lunch食,因為星期六我同老公去左公司攪既家庭日BBQ,不過依篇俾BBQ打左尖,冇辦法啦,有個現成既肥豬仔緊係要寫先啦...

之前我都係用筍蝦去炆,今次就用花生(因為老公鐘意食)炆左半日咁濟,豬手入口即溶,花生又炆到食落粉粉咁,好好味,送飯一流

紅燒東坡肉(附食譜)

買左一大舊腩肉返黎,一半整左燒肉,剩返一半問老公食點食,佢諗都唔諗就話東坡肉,仲要用繩綁住一舊舊正方型果種就用平時滷野既方法,咩調味都加d,出黎又幾好味喎...

苦瓜釀肉(附食譜)

放肆左兩日,係時候要乖乖地調理返嘞...但係冇理由齋食菜架,我得,但係我62係唔食菜,冇肉不歡既人,所以就清清地黎個苦瓜釀肉,有瓜又有肉,送飯一流

脆皮燒肉(附食譜)

交功課嘞

見到T&P都出左好多篇教燒肉食譜,一直想整,但係一直懶鬼上身,又冇整到,終於上星期去街市買返舊腩肉返黎整囉~~

叉燒(附食譜)

依個餸一早俾我地消化哂lu

不過太懶冇post篇文章出黎,

今日係時候要寫寫佢

早排見到網友個個整燒味,

我又要整埋一份,

見雪櫃有一大塊小里肌,

即刻動身整,雖然望落好似全瘦,

因為係用小里肌,食落一d都唔"鞋",

最後淋埋個燒汁,真好好食

碎肉蒸蛋(附食譜)

這是一味已經陪伴我二十幾個年頭又簡單快手又好送飯既媽咪味家常菜,好耐之前就想post依味出黎架嘞,但次次一蒸完就唔記影相就等唔切"不"黎送飯,琴日終於記得影相!!真係好好鐘意依味

1. 碎肉和雞蛋3-4隻,用少許油 . 雞粉 . 豉油 . 蔥花 . 牛奶發勻

2. 隔水蒸至肉餅完熟透即成

炒香茅豬肉片

一直想整,但係我依邊問過哂所有超市都冇得賣香茅!!上禮拜同老公朋友聚餐時俾5我喺"裕毛屋"搵到,真係開心,$NT38一包,即買一包試下!以後知到邊度有得買就唔駛四圍搵嘞

讀書時期成日去食"小巴黎"就係食佢既烤豬/牛凍檬,同埋香茅豬扒飯吸引已經有7-8年冇食佢嘞,佢既味道仲令我好鬼懷念...

蒼蠅頭

好耐冇食蒼蠅頭,前兩日去街市見韮菜花新鮮,就買返黎煮,送飯真係一流

材料: 韮菜花(切粒) . 碎肉 . 豆豉 . 蒜蓉 . 辣椒碎少許

燒熱鑊爆香蒜蓉和豆豉

加入碎肉粉熟贊酒

再落豉油 . 糖 . 胡椒粉

最後加入韮菜花和辣椒碎兜勻即成

p.s. 蒼蠅頭的由來是因為豆豉的樣子似蒼蠅,所以就叫蒼蠅頭

燻蹄

見到好多網友做,覺得唔難,只係花時間去燻,所以自己又學下人整囉...

其實上個月有做過一次架嘞,但係上次做左出黎都影唔切相就你一塊我一塊咁食到有缺憾,唯有今次影黎交功課啦

做法係結合兩位扑友既食譜

枝竹炆豬肉

又有新發現

我個人好鐘意食枝竹,記得細個時媽咪煮親有枝竹嘅餸我都特別叫媽咪煮多d,食時專挑枝竹黎食...但係而家喺台灣從來未見過枝竹,之前返香港因為驚碎買左一包咁大把,早就俾我食鬼哂...

琴日喺冰格攞舊五花腩出黎唸住滷豬肉,但係實在太細舊嘞,於是我醒起台灣有一種水浸腐皮,之前用過佢煲腐竹糖水,好似可以用黎代替枝竹喎

於是真係得喎,買返黎切成條狀,又埋枝竹嘅口感(不過有d唸)以後食枝竹唔駛等返香港嘞...

琴晚又俾我一個人挑哂d枝竹黎食

五花腩用水煮熟出雜質(通少教落豬肉一定要和凍水同煲,不要滾水落,因滾水先落豬肉裡面d血水好難出)再洗淨切塊

燒熱鑊爆香薑數片,加入五花腩略煮至表面金黃灒酒

加入生抽 . 老抽 . 糖 . 水和原粒蒜頭數粒煮滾後轉慢火炆至豬肉變軟

再加入已浸軟枝竹炆至全部入味即成