窩蛋土魷肉餅煲仔飯(附食譜)

2014-02-19

尋日又凍返,

本來放工去超市想買免治牛肉整窩蛋牛肉煲仔飯

點知冇免治牛肉賣

我又唔想自己剁

屋企有魷魚又想食熱辣辣煲仔飯

就整魷魚肉餅煲仔飯

加隻蛋一樣好正好好味

黑椒雞扒意粉

依味做法簡單

超級好味

雞扒點樣混香草都好香口好食

第一次整老公食咗兩碟

大成功～

腸仔蛋炒飯

早排喺Costco見啲香腸特價，百幾蚊有兩大包，一於買返屋企看門口^^

最近成日出街食飯，啲腸要消滅咁啲先得，炒飯就最快脆嘞，仲好好味~

煙肉長通粉(Penne with bacon)-附食譜

之前買左既double cream用黎encore crème brûlée時仲有少少剩,就黎整個意粉依下啦,到我煮既時候先發覺double cream剩得真係好少,唯有+牛奶補數啦,出黎一樣咁好味

肉片電飯煲仔飯

天氣開始凍,又係時候食煲仔飯嘞

拔...我屋企冇瓦煲

只可以用電飯煲黎整

一樣快.靚.正

不過少左孖膶腸,如果唔係仲正

蝦醬火腿炒飯(附食譜)

早排喺超市見到有賣一隻泰國蝦醬,我又好耐冇食,就買一樽仔返黎食啦!!

我以為老公+62會鐘意食(係我一廂情願)點知用蝦醬炒左個菜冇人吼,老公同我講問我d菜係咪變壞左,咁臭既??我同佢講話係蝦醬,佢即刻禁止我煮有蝦醬既野,佢話頂唔順喎

雖則我買果樽好細姐,但平時煮黎一定冇人食,我都要消滅先得...見網友阿V自己嘆個蝦醬炒飯,我又心思思要炒個黎俾自己lunch,所以就留少少隔夜飯黎炒,我冇用小魚乾呀,用火腿代替,一樣好香好正呀(味道有少少似鹹魚炒飯既)

我老公好鐘意食炒飯,想再接再厲依個weekend再炒一次呃佢食唔知會唔會成功呢

食譜參考至--->成日都好鬼Happy既Mrs.T

1. 燒熱油鑊落兩隻已發爛蛋液,快速加入冷飯同炒至乾身

2. 加入適量蝦醬炒勻炒香,再落火腿粒兜勻

3. 加入少許生抽和糖調味,最後灑上蔥花拌勻即成

紅鱘(蟹)米糕(附食譜)

鄰居喺佢娘家攞左好多蝦蟹返黎送俾我地,咁多蟹真係唔知點整好,62話可以整米糕(燸米飯)喎,米糕我真係麻麻,個人比較鐘意食香港口味既糯米飯多d但係老公同62就好鐘意食,就一於試下整紅鱘米糕啦

依咪係台灣喜慶必有既傳統菜式,次次去冚都有依道菜...見佢好似好麻煩咁,原來都幾簡單,煮好左我試左一啖,幾好味!!徇老公要求要加花生,佢食到lam lam脷

叉燒瀨粉

Weekend懶唔又諗唔到煮咩lunch,

見前兩日又焗左幾舊叉燒

包瀨粉又開左未食完

lunch就黎個叉瀨食啦

煲左煲豬+雞骨湯底好甜好好味

依碗比出面食既足料好多

涼拌雞絲米粉

最近天口咁熱

企喺廚房唔夠5分鐘就標哂汗

煮好飯清理乾淨個人都冇哂胃口

見之前整既星洲炒米仲有d米粉剩

前兩日阿公(太62)忌日又有半隻雞剩

再摷下雪櫃又見到半葡瓜,將佢切絲

再加埋紅蘿蔔同洋蔥絲

依碟涼拌真係十分之清爽好味

食譜(Please click here)

星洲炒米

扑友阿四寄黎既醬料,令戒口中既我都忍唔住

老公見到星洲炒米包裝好靚就話想食

我緊係應承啦,依幾日唔係食粥就係食飯

真係好掛住d粉麵

拿拿聲走去買包新竹米粉返黎

加1埋之前整既叉燒

仲有火腿 . 青椒 . 洋蔥 .紅蘿蔔同埋蛋

跟住包裝指示煮

真係好好好正呀...阿四果然冇介紹錯

老公食左兩大碟,猛話好食

雞肉湯麵(附自製麵條食譜)

以前細個成日見媽咪自己整麵條,諗住憑記憶自己又試下整,可能直接將麵落去雞湯度,結果出黎食時感覺咁鬼似刀削麵??但係我地又好鐘意食刀削麵,所以唔知算唔算成功呢

下次一定要燙左佢再過冷河先煮

不過個湯頭好鮮甜,同麵好夾,好食

電飯煲仔飯

之前因為我d心愛臘/膶腸被退運之後,我想食佢地既癮更加嚴重,其實台灣大型超市係有得賣既,之但係驚大陸製,老公一直都唔俾我買,話驚有問題,所以一直冇買

上兩個禮拜,鄰居個歐巴桑打電話黎叫我過去佢屋企,話介紹個人俾我識喎,過到去原來係個香港人,突然見到同香(鄉),即刻同佢講我d腸啦,跟住佢話返去台中幫我搵下邊度有得賣喎

前日鄰居阿尖(嬸)攞左兩孖過黎話叫我試下,好食個同鄉再幫我買喎,見到真係開心得我呀

趁琴日老公weekend同埋大掃除

所以盡量簡單整個煲仔飯食算啦(其實係我一心想食)但屋企冇大瓦煲,又冇生鐵煲,唯有用電飯煲黎個電飯煲仔飯啦

用哂兩孖臘膶腸,加埋肉片同冬菇(屋企既雞要留到過年先劏,所以冇得食,唯有改用肉片)

老公同老爺第一次食煲仔飯,佢地既反應係...天呀!真係勁正呀

成煲飯一餐清哂,仲有隔離阿尖(嬸)試一啖即刻問我攞食譜,唔係你以為美食天氣做假架?!單係一個飯就攪到佢地凍未條啦

 

我睇個臘腸紙袋,果間野原來係我以前日日經過專賣香腸既鋪,但我一直都唔知佢地都有賣臘腸,早知就唔駛攪到咁麻煩啦

佢係台灣有名既店鋪,係本土生產,台灣有好多間分店,老公即刻話俾我買臘膶腸喎,話過年佢朋友黎要我整黎招呼客人喎~~~仲話下晝即刻去買,真係皇帝唔急太監急

手打肉丸粥

由細到大一放假媽咪就會帶我地返佢大陸東莞,次次返去都地例必食嗰邊最出名嘅肉丸粥 . (微)豆糕+茅根粥同豬肉腸粉,不過依幾年都冇返過媽咪鄉下,加上最近同大陸一個表妹msn,我又開始懷念媽咪家鄉小食嘞

表妹叫我返大陸可以叫我二姨日日買俾我食,但我實在忍唔到,俾佢挑起左我條癮,即刻上網搵下有冇食譜啦,點知係冇架!唯有搵台灣既花枝丸食譜,再用豬肉代替,嘩...出黎效果真係接近以前食開嘅味道,只係我手打得唔夠耐,唔夠人地既彈牙,下次一定打耐d

自家鹹湯圓

湯圓個個都食過,唔知大家有冇食過鹹湯圓呢

食個鹹湯圓我食左廿幾年,媽咪每年過年都必煮既應節食品,不過平時我想食都會叫媽咪煮黎食,上次去搵我媽咪時我叫佢煮,真係好好食!

煙肉忌廉意粉(附食譜)

終於成功喇

我煮餸一直都係唔會話好失敗,唔叫得好食,但不至於到難食,唯獨我至愛既白汁意粉(紅汁又冇事架喎)次次煮次次都要倒,因為真係食唔落

記得之前第一次煮,我自己又唔識整忌廉汁,就係supermarket買現成忌廉汁返黎,以為實唔會難食啦,點知煮到完全無味,又一攤水

所以咁多年黎我要食意粉都係出去食,因為之前老公又係大陸做野,我一個人點會出去食,為有上網搵食譜囉

但搵左好多白汁忌廉意粉食譜,一直都係唔敢煮直至......前幾日想食意粉既念頭又作怪,終於的起心肝再次煮依個同我煮意好唔夾既意粉

結果俾我成功左....以後可以成日煮喇