泰式涼拌花枝（附食譜）

依個係我第一次食屋企附近嘅泰國餐廳時一食難忘嘅一道菜

所以自己返屋企老翻

好清爽好正

1）花枝（墨魚）界花飛水備用

2）洋蔥切絲泡凍水、車喱茄洗淨對切、唐芹洗淨切段、唐芹葉少許、辣椒切粒

3）用一大碗倒入所有材料，加入泰式辣椒醬、檸檬汁、糖和辣椒粉拌勻即成

豉椒炒蟶子(附食譜)

見好多網友都食蟶子,我以為自己得個恨字,點知今日俾我喺街市見到,緊係唔執輸買返半斤返黎啦,雖然係急凍貨,但係對我唔係成日食到既歐巴桑黎講已經好好架嘞!

老公之前同我媽咪食飯時媽咪有點過蟶子,佢一食就愛上左

今晚即煮,老公食到lam lam脷,勁讚好食,大半碟俾佢KO左

炒蜆

鄰居個歐巴桑既娘家住海邊,成日都可以食到好靚既海鮮,前幾日佢又從娘家攞左好多靚蜆返黎,俾我我地一大袋

佢話加薑絲同九層塔煮湯就會好鮮甜好好飲,不過我老企棵九層塔俾我老爺移左唔知邊度,所以就用黎炒啦

第一個絲瓜炒蜆~~因為屋企有種絲瓜,一直覺得兩個係絕配,煮出黎非常鮮甜

做法:

燒熱鑊爆香薑絲和蒜茸,落絲瓜炒勻,加少許水(水不要加太多,因絲襪會出水)

再落蜆和絲瓜加蓋滾5分鐘至熟,加入鹽調味即成

再黎一個就係豉椒炒蜆~~因為老爺唔食辣,所以冇加辣椒(其實佢唔係好好蜆,早知就加埋辣椒去炒啦)個汁超好送飯

做法:

蜆先用滾水略灼至開口搾起備用

燒熱油鑊爆香蒜蓉和豆豉.落蜆略炒

倒入汁料(蠔油 . 豉油 . 糖 . 紹酒 . 香油/麻油 . 生粉和水)炒勻至杰身即成

煎秋刀魚 & Bacon炒盧荀

平時煮飯我最喜歡煮一些快又好食的東西,前幾日的晚餐我就煮了幾道很簡單的餸,其中有兩道我要向大家介紹的一下,是煎秋刀魚和Bacon炒盧荀,因為我o係香港比較少食這兩種食物,而且做法簡單又美味,因為我向大家極力推薦....

煎秋刀魚非常簡單,只要加上鹽煎熟,再用一些胡椒粉和芝麻就大功告成...

因為我很喜歡吃Bacon,所以會用bacon煮不用的餸...先用蒜頭將bacon爆香,再把盧荀加入一齊炒,加些少鹽(因為bacon本身有咸,所少鹽不用太多),再加黑胡椒粒炒匀上碟!!

以上兩道菜也是用我大概10分鐘時間,最適合和我一樣懶惰又喜歡食野的人煮,大家可以試試....

p.s. 胡椒粉是我最近很常用的調味,食物會香很多!!!