韓式炸雞(附食譜)

一睇張相就知道我最近迷上邊個啦

正是星星既女主角

佢喺戲入面既最愛----炸雞砲啤酒

次次見到都流口水

就想去逢甲夜市既朴大哥買

但因為部戲太紅

攪到朴大哥生意做唔切

仲比人恐嚇

我緊係唔會去同人迫啦

自己整食幾多都得

正到呢

1. 白鑊炒香白芝麻待用

2. 雞肉用豉油 . 胡椒粉醃入味, 加入雞蛋一隻拌勻

3. 將雞肉沾上炸粉落炸至金黃色熟透, 盛起備用

4. 另起鑊爆香蒜蓉和洋蔥蓉, 加入韓國辣椒醬 . 茄汁 . 麥芽糖 .麻油和水煮滾至汁液收乾熄火

5. 將雞肉拌入醬汁,灑上白芝麻上碟即成

P.S. 食譜大多數係用果糖漿,屋企無就用麥芽糖代替,比較健康! 另亦可用蜜糖同樣好味~

椒鹽雞翼(附食譜)

雪櫃仲有一包雞翼

完全唔駛唸點煮

見到有乜醃料就落乜

雞翼真係點煮都好食

葡國雞翼(附食譜)

2013-12-02

之前喺Costco買咗兩大packed雞翼返來睇門口

尋日突然好想食薯仔

又好想有汁送飯

醒起屋企樽薑黃粉仲有好多剩又快到期

拿拿聲放工去超市買齊材料煮返個惹味葡國雞翼

暖笠笠兩餸一湯晚餐 2013-11-28

依兩日氣溫驟降

尋日仲又濕又凍

唔想出街食飯

喺屋企煮個簡單兩餸一湯晚餐都好正

豉油雞翼(附食譜)

屋企咩都冇,就係好多調味料!之前同親老公黎台中就行超市,見到d調味香料就買返黎,而家我廚房個櫃擺滿好多,要快d用咁d,如果唔係過期就煩嘞!



依個餸係第二次煮架嘞!!雞翼真係好送飯


依樽小磨坊出品既香茅粉喺普通超市未見過,同埋我一直想買樽香茅粉黎煮餸,見到唸都唔唸就買返黎!買咗一直冇用過,因次前都係用新鮮香茅煮餸,直至上星期捰返佢出黎煮雞翼!!

唔用唔知佢咁把鬼,一d香茅味都冇!雞翼本身點煮都好食既,所以個餸有冇佢真係分別唔大.....不過我會將佢用完既,冇謂嘥嘛


豉油雞翼

1. 雞翼洗淨,薑數片備用
2. 燒熱油鑊落薑片爆香,落雞翼煎至表面金黃
3. 加少許水 . 豉油 . 糖 . 香茅粉(如有)煮至滾轉小火蓋上蓋煮熟即成

Nando's Peri Peri Chicken

好耐之前我已經好想用豬朋狗友V寄比我地既Nando's醃粉整番餐山寨Nando's食,拔!!礙於62唔食得辣,我就一直有整!!新年時見到另一豬朋狗友阿四整咗隻山寨Nando's蕃薯雞,即時再度"了"起我條癮....

上星期咁岩62殺咗雞返黎,一於黎個1雞2食啦,62食既蔥爆霸王雞,而我同老公就食Nando's!

TA DA....我依隻完全唔似蕃薯雞既正常燒雞出焗,我一路影相一路忍唔住搣啲雞胸肉食,實在太好味嘞雖然冇Nando's咁咁正,但對我黎講已經好滿足架嘞是晚老公放工返黎食到停唔到,半隻對我地黎講有啲唔夠,下次一於燒住雞先得

再一次鳴謝 V 提供我依個咁正既好野

香茅雞翼(附食譜)

幾個月前去花市買左兩盆仔香茅返黎種,而家d香茅生得好高,今次就試下唔用懶人方法煮香茅雞翼,自己剪新解香茅黎煮...

哇...真係好好味呀,估唔到我d香茅細細枝咁鬼香喎,以前食哂d香茅醬都唔駛驚嘞,自己煮一樣好好食

花雕醉雞(附食譜)

我好鐘意食醉雞,但我無香港人咁幸福,周圍可以買到醉雞汁,想整都唔易...前幾日見到supermarlet有花雕賣,就買枝返黎自己整花雕醉雞...

用左1杯花雕浸,放過夜食d雞入哂味好好食!!估唔到第一次整咁成功打算用果煲浸雞汁再黎多過round,真係好正

自製鹹蛋(鹽水浸製法)

徇blog友阿V要求post我今次醃既鹹蛋出黎

點解要post幾隻蛋

事關之前幾次醃既鹹蛋唔係好滿意

可能太心急未夠時間就攞黎煮啦

今次用個大玻璃樽醃左十幾隻

又加埋八角,仲用好多粗鹽

擺喺窗邊醃左1個月

哇...好成功呀!!啖啖八角香味

鹹蛋黃既顏色好靚,仲有蛋黃油添

不過呢我真係重手得濟,有dd過鹹

配白粥就好正嘞

切得唔靚

食譜參考click here: (成日都好鬼happy既Mrs.T)

蔥油扒雞(附食譜)

琴日本來想用香茅煮依半隻雞,

但係琴日整叉燒唔夠時間醃佢,

所以最後整左依個蔥油扒雞,雞肉嫩滑,好好味...

          

自製脆皮燒鴨

琴日去買餸見到有鴨賣,每隻NT$150,見都幾抵賣,買返隻返黎煮都好喎

本來想煮當歸鴨架嘞,但係前一日先煮左個燒酒雞過老公同62食,太補嘞,都係停一停好d

橫掂我又未試過整燒鴨,就膽粗粗試下整啦...

上網search網友阿V同T&P食譜~~

第一次燒我唔知發咩神經,竟然切鬼左個pat pat...攪到燙既時候入面d酒同d粉由個窿位流出黎

發覺我個焗爐仔係唔同大型焗爐,我初時set 200C去焗,但焗左好耐都冇轉色,又調到230C啦,有少少改善,睇返說明書,話焗雞要250C喎,我諗鴨同雞應該係一樣,所以得到250C焗,所以今次焗左個幾兩個鐘,d色又唔係好勻,仲有少少乾,又加上屋企果把斬肉刀重又唔利,斬得超級醜樣不過好彩都幾入味,仲好香架...下次一定要燒返隻100%成功先得

食譜來源 : 成日都好鬼happy既Mrs.T  ;  T&P

                          

懶人版紐奧良燒雞槌(附食譜)

最近又想整蛋糕,但屋企冇哂低粉同幼砂糖,拿拿淋出去入定d貨,去到超市乜粉物粉果欄俾我見到滷水包隔離有新出一種佳輝紐奧良烤雞既醃粉(因為依排成日見到KFC廣告在賣紐奧良雞塊,其實我係未食過)就買返黎試下好唔好味囉,屋企又有雞槌諗住滷既,買左依盒就試下整啦

又幾香口喎,有少少辣辣地,唔知同KFC果d一唔一樣呢

香茅醬雞翼

見到V女前幾日整香茅雞翼

我已經好想食架嘞

但礙於依邊超市d雞翼奀到屎一直買唔落

今日去買麵線順便去(目及)下啦

依間超市好奇怪,雞中翼冇就緊架嘞,

全翼都冇得賣

佢呢就係雞翼尖lun住雞中翼一盒

雞搥另外一盒

我就買左兩盒中翼同一盒雞搥

睇下煮出黎幾細隻

五香檸檬燒雞

又跟T&P食譜焗焗雞...

依個真係正到呢,

 半隻雞略嫌少得濟,

下一水一於黎隻全雞

依排開口埋口話要戒口,

果頭又成日煮d好野

都係果句,食左先算...

食譜來自T&P Click here

涼拌手撕雞(附食譜)

見屋企仲好茭白荀剩,又想食涼拌,只係食茭白有d單調,一於加埋手撕雞落去整啦!估唔到出黎既味道真係好正

材料 : 雞半隻/1隻, 茭白筍數枝 . 薑數片 . 蔥兩條切段 . 芫茜切段

做法 :

1.先將雞洗淨,用薑粉 . 孜然粉 . 麻油/香油 . 豉油 . 酒和鹽醃最少一小時

2.將薑片和蔥段鋪在醃好的雞上隔水蒸20-25分鐘至雞熟透,取出待略涼撕成雞絲備用

3.茭白筍切絲用鹽醃軟,洗去鹽份澀水份,加入芫茜段和手撕雞肉略拌

4. 將蒸雞時蒸出來的雞汁用鹽 . 糖 . 胡椒粉 . 和香油拌勻試味

5. 再將汁料淋上3)的雞肉中拌勻即成

滷雞肝

前兩日摷雪櫃俾我發現兩包雞肝,又要攞出黎整嘞,今次黎個滷水,比炒既好食好多,起碼唔會乾爭爭

準備滷汁:豉油 . 水 . 原粒蒜頭數粒

煮熬滷汁落雞肝煮滾

轉小火煮15-20分鐘熄火燜至微涼

取出切細塊,灑上蔥花

淋上香油/麻油和滷水汁即成

青蒜炒雞肝

琴日62又買雞返黎今日要拜太62,佢仲買左一大包新鮮雞肝,我唔想再用黎煮鹹湯圓嘞,就用黎炒啦,估唔到又幾好味喎,不過略嫌乾左少少,下次連汁都煮埋會仲加perfect

三杯雞+竹荀排骨湯

星期日因為係元宵節,屋企雪櫃又多左兩隻雞,琴日就砍半隻黎整個三杯雞啦!!!今次麻油同米酒都加多左,出黎味道好香麻油味,好好送飯