Happy Chinese New Year 兔 Everyone

年...又過年!!

喺度同大家拜個年

祝各位:

兔年行大運

兔氣揚眉

事事如意

身體健康

見到好多扑友都蒸糕挑起我條癮,於是今年我又黎整,

依底蘿蔔糕係第一次蒸,

第一次好成功仲好好味(好足料架)

食過返尋味

徇老公要求過年再蒸兩底拜拜,

62同老公大讚我依個蘿蔔糕好食過其他既好多,

信心大增,下年再黎過

除咗蘿蔔糕,鯉魚年糕

舊年想整架嘞,可惜台灣搵唔到

於是托朋友買返黎

今年整到嘞

再祝大家年年有餘

crème brûlée again(法式焦糖布丁)

crème brûlée (法式焦糖布丁)

終於完成嘞

薑汁撞奶(附食譜)

最近懶蟲上身,

加上日日煲港劇,

攪到好耐冇update blog!!

今次俾佢打下尖先

剛過去既weekend有d涼涼地,

突然好想整碗薑汁撞奶

食完晚餐黎返碗真係正

     

楊枝甘露(附食譜)

真係熱C人咩...唔得,係時候要整d冰涼甜品冰一冰嘞!!前兩日去買生果,買左3隻甜柚返黎,開左隻黎食,老公話唔好食...要諗計消滅佢地!!

最岩俾我整個楊枝甘露啦,拿拿淋去買兩隻大芒果返黎郁手...足料,又冰冰涼涼,最岩喺冷氣底下享受佢嘞!!正

椰汁砵仔糕

我一直對香港民間小食砵仔糕情有獨鐘,特別以前一到冬天,火車站就會有個賣砵仔糕既阿伯擔住兩大蘿喺度做生意,我一定會幫襯佢買幾隻,好好味架

早排見通少有出砵仔糕食譜,我已經好鬼想整,但係我依邊簡直係百無,搵果樣冇果樣!!就係因為澄粉同馬蹄粉都攪到我發癲

我以為發現依邊有間烘焙材料行就乜都掂啦...好明顯依間野都係唔pro!!!事原我想買澄粉同馬蹄粉,我問老闆有冇馬蹄粉,佢即時話有,佢攞俾我一睇

C囉...果包野大大隻字寫住馬蹄粉(澄粉),點解個攪埋一齊!!我問老闆兩樣粉好似唔同架喎,個C人老闆仲自認好醒咁同我講馬蹄粉即係澄粉!!!佢話唔明點解我話係兩樣野,又話我喺邊聽返黎唔同!!!

最後砵仔糕就唔可以跟通少既食譜整,但俾我上網搵原來好多粉都整到,最後我就搵到個食譜加椰漿,好似好正,今日即刻黎十二隻雙色砵仔糕,好好味呀

又食到一樣香港小食嘞

因為我依邊冇片糖,我就買左包紅糖代替,顏色好鬼深,攪到睇唔到底部既紅豆,不過蒸出黎都好成功...我話明要懷緬架嘛,食既時候緊係要叉住兩枝竹簽啦

朱古力&芒果雪糕

       

         

我家兩隻可愛既皮蛋終於要返黎暑假喇,我依個做舅媽既一定要令佢地依兩個weeks開心啦,因為我好怕佢地唔記得,所以每次佢地返黎我都要諗諗計,要佢地永遠有住美好既memories!見到blog友教整雪糕,嘩...岩晒我何車啦,而且做法又唔複雜,重要既係屋企早兩日有拜神,剩左好多芒果,就岩晒俾我攞黎整雪糕,因為唔駛再sign錢買材料我屋企一直都冇mixer架,平時多數用我隻豪無搏雞之力既手發野(如蛋),blog友同我講mixer又唔會貴,所以我就係supermarket同網上格下價,既然隻隻用途差唔多,我就係網上用左大概100港幣買左隻最平既mixer返黎,唔知叫乜鬼野神既牌子,話知佢叫乜啦,用得咪得囉...買左先知好用,就知以前浪費左幾多我既手力啦!

講返雪糕先,我第一日係先整朱古力味,睇到blog友話要用double cream,我又見唔到double cream,所以就買左whipped cream,出黎效果都唔錯,我買左普通朱古力,材料整好晒試味既時候...乜咁鬼甜既,攪到我勁擔心太甜點食呀!?同埋d顏色淡到乜咁,早知就買黑朱古力啦!仲有唔知係咪我中途攪拌既過程攪得唔好定次數唔夠多呢,成型之後既雪糕脆脆地,應該仲有好多碎冰!後黎問返blog友佢叫我用mixer攪拌,我第二日整芒果雪糕既時候,頭幾次都係用手攪佢,攪左3次,之後兩次用mixer,出黎既效果都好ok喎,我用兩隻勁大芒果,d雪糕既芒果味真係好濃,好好味,今日食左3球,發覺有少少問題既朱古力雪糕變好左喎,唔知係咪心理作用呢,anyway希望兩隻皮蛋鐘意啦

特別鳴謝V女廚房提供既教學同指導....