充滿心思的禮物

11月初公司有幾個丹麥的客戶來台5日

其中一個女客人返去丹麥後寄咗份禮物比我

尋日當我打開後見到一張紙卡

佢自己寫我既中文姓氏

仲畫埋公仔添

我只係教過佢寫一次

佢就記得仲加埋特別用心既設計

好感動

話時話,佢寫既中文字靚過我老公手字好多

限量驚喜

又有禮物收嘞今次係阿四由香港寄黎既包裹

一睇封面容物寫住書,我心唸書台灣大把,有咩書要喺香港寄比我而且仲係唔重既書

即刻拆開睇下係咩啦~~~一打開,我對眼即時發哂光,係出前一丁出既特別版"黑蒜油豬骨湯味"公仔麵,仲有一包我搵好耐都搵唔到既韓式昆布絲

隻麵一出我見阿四同埋其他香港朋友講話好好食,我果時已經好想試下嘞!!不過隻麵賣咗一段好短時間就比人掃哂,而家市面再搵唔到嘞!!
估唔到今次阿四寄比我地齊齊分享,令我地雖然唔喺香港都食到限量好野我琴日已經食咗一包,哇~真係好正呀,黑蒜油真係好香好好食

我依個長氣衰鬼又要喺度多謝妳Shirley,寄咁正既野比我地享受

躲於衣櫃裡的禮物

如題: 這禮物據聞置身於衣櫃裡有半年時間,好彩依半年佢都冇出味啫

上星期收到英國blog友阿V從英國寄黎既禮物~~一如以往係62收包裹!!62攞包裹比我時即刻撇清邊邊位唔係佢界開既,我知我知

今次海關竟然開箱睇包裹!!之前先同朋友講開關於郵寄包裹黎台灣問題,我收過咁多次只係比人開過箱兩次(計埋今次)朋友話佢次次寄次次開箱~~

不過今次海關只係界開邊邊位,同埋界開咁冇睇入面,咁佢界黎做乜?好彩佢地冇拆開攞d野出黎咋...唔講咁多,去相睇好野

禮物仍然好鬼豐富,仍然有食又有靚靚身外物
食品類 ~ 重慶火鍋酸辣粉絲,據說依碗味道有6成香港味,我未食過香港既,有機會試到相似既我已經好開心,搵日開黎食

仲有好正既Nando's醃雞粉,今次阿V仲醒多我一樣Peri Peri sauce,讓久違Nando's既我重新Hot起來

餓姦力麵包改良劑 ~ 有咗佢以後整包就唔駛再用蛋糕乳化劑嘞

南乳 ~ 正!!終於喺台灣有南乳存貨嘞,以後煮南乳餸唔駛就住就住

仲有車厘子,比我做椰撻同蛋糕,正

靚靚身外物有佢地:

我既專屬T,有我個cute版o麥頭,全世界只此一件,大愛(特別多謝Mr.T百忙中幫我設計)

仲有bling bling靚靚筆,好華麗呀好閃呀,好鐘意

V,最後長氣又CUM氣都要講多謝架嘞你地咁忙都要寄好野比我真係有d唔好意思!!以上全部我都好鐘意呀~我都係時候要搜羅台灣好野還人情嘞

來自香港既聖誕禮物

依篇blog其實Chrismas應該寫架嘞,因為懶加上我又出打尖blog,打下打下攪到而家先寫真係唔好意思...

入正題~~話說聖誕前兩日62去鄰居居企泡茶,鄰居就將依個包裹交比62,佢話郵差見冇人應門(我出咗去買餸,62做野聽唔到)就交咗比佢代收...

TA DA...來自香港既豬朋狗友Mami阿四既聖誕禮物

大大箱一打開,哇~~~全部都係好野

個cup noodles特別版係阿四之前介紹過,我已經好好奇想試架嘞,點知阿四咁知我心醒過我試,多謝哂~~~仲有兩個公仔麵,62已經好早就獨享咗冬菇雞味,佢話好食過台灣公仔麵好多好多,唯一缺點就係麵太少喎,佢一直讚,可惜另一個係牛肉味佢唔食,咁就只好比我地享受嘞

仲有好多其他正野,見圖,全部我都好鐘意

某朝早我已經忍唔住開黎食,好好味呀,阿四果然冇介紹錯~~~連我老公都停唔到口食哂成個咁濟

雖然煩,但都要再一次多謝阿四依份咁正既禮物

又有禮物收

琴日補完習返到屋企,突然醒起要留意收包裹,因為平時大多數收件既人係62,我就睇下客廳有冇啦...終於收到嘞!!來自英國網友阿V(成日都好鬼happy既Mrs.T)寄黎既大大包裹!!

收禮物

琴日喺房聽到郵差咇喇叭,我諗我依期冇網購,應該唔係我既掛號/包裹,所以就冇落去收,橫掂62會收,就一直冇理到...直到夜晚落去廚房煮晚餐時見到餐桌上有個包裹,原來包裹係我既,係扑友mami 阿四寄黎既正野

Bear~ Designed by Andy Lau

之前看到朋友Sally小姐的blog有介紹McDonald's 既bear bear,我也很想換,但在台灣的M記沒有,只好叫S小姐幫我換,我還不知道她那麼快手,星期五我已收到Andy Lau設計的bear,隻bear真係好靚好得意呀,多謝你呀Sally小姐....