回香食食食2011

無寫blog好耐嘞,係因為之前既yahoo升級,攪到我果段期間完全無心情update!
聽到好多blog友都話新升級後點唔好用,攪到我處於不理會狀態!直至上星期收到yahoo既e-mail要我升級,喺好唔願意底下最終升級了!!


回正題.....之前老公公司問佢地依個月有冇人攞假,而老公今年特休仲有兩日,佢就排喺雙十節後面,連埋weekend有5日假!佢就提議我地返香港,
順便比我整返好銀行戶口收$6000


但今次行程真係好趕....我地星期六返到香港喺機場會合表弟同阿姨一齊北上飲飲食食!星期一返返香港已經4點半,即刻放低行理趕去銀行開戶,
最後攪一大輪攪錯咗整唔到,佢地約我第二日再去申請,真係煩!!


又離咗題!!今次返去其實食咗好多好多好野,因為同屋企人食飯多,掛住傾偈冇時間影相!!下面都係我地二人世界時影既,唔講咁多,去相!!
2011-10-11 早餐 @ 映月樓

老公次次同我返香港指定要去,因為貪佢可以望住維港!又可以靜靜地嘆報紙,食物唔錯


2011-10-11 下午茶＠半島

飲完茶去返銀行辦手續,整好已經lunch時間,見仲飽飽地就去shopping放下血,行下試下又買下,老公又話去tea喎~
上次返香港老公話過唔會再去半島tea,一黎多人(次次排長龍),二黎我地每次返去都去半島,想話試其他!!但你佢次次時間一到又自自然然
走入去排隊,佢話實在太愛入面既裝修擺設喎!對我黎講,只要有野食,去邊度都冇所謂,最後都係去返果度teatea完5點幾好鬼飽,但約咗屋企人夜晚8點食飯,
繼續周圍行下等細佬放工一齊去旺角癲拿~


2011-10-12 早餐@翠華

喺香港最後一日,早餐緊係要食我好耐冇食既茶餐廳,去咗翠華食,食埋我既飛佛腸仔,真係大滿足


今次由於時間關係,加上香港果幾日日日落雨,冇辦法約老友記出去聚舊!希望快d再有時間返去啦~~~

香港8天遊

上個禮拜因為屋企有d事我要返去處理,而老公冇跟我返去,佢要留返係台灣back up我,真係好感動

好彩最後都解決左,結果又係我地預期之內

既然返到去,一落機就緊係打電話約朋友出黎見面啦,因為我事先冇話佢地知我返去,而且今次返去唔係我預備既行程,所以老友記們聽我把聲好驚喜

我地差唔多四年冇見喇,見返大家真係好開心,最高興既就係大家都冇變,兩對情侶依然恩愛

返到去最開心就緊係食我好耐冇食既野啦,即係除夕黎個BBQ食我既至愛雞肉腸

蛋糕係老友記為我預祝生日

最後要多謝佢地,因為返港頭幾日心情有d唔係好開心,好彩有佢地既陪伴,不然我又會胡思亂想,雖然事情能完滿結束,亦都可以俾我依個機會同佢地聚下,開心

期待你地3月的到來....

收穫豐富又緊密的旅程---回台前的奢華篇

經過一輪幾小時的地獄式瘋狂血拼後,老公再三提醒時間不多,要買下次再買吧,是什麼令我們連shopping都可以不理呢,當然就是我們每次返香港都必去的半島下午茶,這成為我們的指定地方,不知道什麼原因,我們就是愛那裡的所有,平時多累多趕,總愛坐在那裡賴上一段時間,真舒服...記得兩年幾前去半島的時候,栢芝仲係大住個肚去tea,佢仲坐我隔離枱,勁開心可以咁近見到佢,為左唔失儀,我冇同佢影相,真係面子大過天!!!連名星都去我地都唔會放過返香港必去tea的機會...因為下午茶時段會有很多人排隊,老公怕來唔切,所以我就停止shopping就直往Peninsula歎下午茶,順便預祝情人節!!!

就在relax的下午茶後我們就趕去airport回台灣了,希望可以快d再返去啦!!!因為冇機會見朋友,下次一定要搵大家!!!

           

收穫豐富又緊密的旅程---成都篇

到達成都已經很晚了,媽咪本來在出發已booked好hotel,所以就不用擔心沒地方落腳,而且一晚只要幾百蚊人仔,一點都不貴,當然那不是最頂級的hotel,不過都ok既,只是成都有點潮濕...第二日早上和媽咪佢地食早餐,我地在hotel附近隨便食,之後媽咪要去做野,所以lunch就只有我和老公兩人食,去到四川當然唔少得的食麻辣火鍋,而且成都的天氣還是冷冷的,那時食就最適合不過了!我們到了一間叫"聶"的餐,因為他們裝修很不錯,而且不知道是因為他們不懂那個點讀還是怎樣,所以在"聶"字下面寫上"三只耳"...我和老公看到很特別就進去食我們第一餐麻辣火鍋,真的超級辣,和台灣的麻辣火鍋完全唔同,而且還辣上好幾倍,我和老公食到真的受不了,成個嘴都麻晒,冇知覺,所以成都之旅就食了這麼一餐麻辣鍋,再也不敢食了!!

                

還有在成都到處都見到有賣烤兔肉,每到一個地方都有看到,我們在成都的第三天就決定買來試試,是否真的那麼美味,所謂入鄉隨俗,我們看到一間店很多人買,我們便決定在那裡買,結果老公問店員要怎麼買,結果他們都傻呼呼的不知道怎樣回答,結果要其他客人告訴我們叮什麼會比較好,因為我們已經怕怕食四川的辣了,所以最後點了一隻五香兔來試試,味道怎樣???我想說就是我不會再買第二次囉,我食唔慣,只食了幾舊就沒食,我不喜歡那種味道,其實五白都有少少麻,他們食什麼都離不開麻辣兩個字...就這樣一隻35蚊人仔的兔仔被我們食了幾舊後就掉到bin去了,真可惜....

                 

我們待在成都有5天,真的好耐,平時媽咪得閒的時候就和我們食飯,大部份都是我和老公兩人到處行,媽咪告訴我們可以去步行街逛逛,那邊有很多shopping mall,都是賣名牌的百貨公司,原來四川買得起名牌的人也很多,不然也不會在central那邊開差不多10間shopping mall,真係行幾日都行唔晒,我當然沒有買啦,現在人仔比港紙貴,要買都等在香港買,我們就這樣結束了幾天的成都之旅!

收穫豐富又緊密的旅程---啟程篇

過年前媽咪打電話俾我叫我過年期間返香港,原本訂了flight ticket年初三返去,結果媽咪因為太忙的關係,機票一改再改,最近變成年十二出發,因為媽咪o係大陸,我們到香港一落機第二朝就搭火車去廣州,因為媽咪幫我們訂左下晝飛機去四川成都,我和老公都沒去過那邊,這次跟媽咪去看看....所以前兩日我和老公都係搭飛機同搭火車,真係超累的,而且中途發生了刺激的小插曲,就是我們去到廣州時是下晝1點多,媽咪就帶我們lunch,媽咪的朋友幫我地訂了6點的機票,而媽咪又要見其他朋友,同埋佢o個日成日肚痾,攪到差唔多5點先由hotel叫的士去廣州airport,於是媽咪叫的士driver飛的趕去airport,我和老公第一次咁刺激,正常由hotel去air-port要30-45mins自會到,o個的士佬15mins就去到,我同老公都服左個的士佬...跟住我們就跑到機場專車乘客的車,我唔知o個d叫咩車,由機場人員車我地total 6個人去到拍定的counter check in,跟住又車我地去指家既gate登機,感覺都幾唔錯呀,唔駛行可以坐車...hahahaha

不過有d唔開心就係o係機場過關時被沒收左我卸妝油 . face cleasing foam同收縮水,攪到我o係成都的日子唔敢化妝!!!