菠蘿包+迷你火腿芝士沙律包(湯種)

話說之前喺FB又見到網友阿V整菠蘿包,早喺佢整之前我已經入去睇咗食譜,唸住整架嘞!!

但係礙於臭粉同奶粉攪到我遲遲都未動手後來V話唔駛臭粉都整到,我又開始心動,即刻去買奶粉啦....哇~全部都咁屎大罐既,點攪

最後比我唸到去鄰居度攞d BB奶粉,咁又唔駛買大大罐返黎用唔哂蹝咗佢啦

解決咗奶粉問題之後,以為可以好得心應手咁搓包啦,唉....點知第一次整大失敗問題可能出喺蛋糕改良劑度,我搓d粉發酵唔起,攪到要全部揼鬼哂~~~

crème brûlée again(法式焦糖布丁)

迷你椰撻(附食譜)

紙包蛋糕

睇到blog友阿V依個紙包蛋糕食譜好耐

緊係要試啦,事關我好好好鐘意食架

但礙於果隻梅花型模唔係到到都搵到,

我連喺台灣見都未見過,

之前台中有個姊妹上淘寶買野,我就搭佢單買左幾隻模返黎,

琴日終於開光整左嘞,仲一次成功

真係好香蛋味好鬼正呀

整幾隻食哂嘞,真係唔夠喉

依兩日再double個份量再整多個round先

食譜參考於: 成日都好鬼happy既Mrs.T

crème brûlée (法式焦糖布丁)

終於完成嘞

蛋黃酥(附食譜)

終於的起心肝整我鐘意食既蛋黃酥嘞...早喺兩個星期前已經想整架嘞,但係一直搵唔到餡料既鋪,上星期日就去街市問啦,佢地話我知依邊有一間喺屋企附近,但係我叫我老公陪我去搵,搵左好耐都搵唔到

琴日又去雜貨店問個老闆娘,佢又係講果間店,今次我自己踩單車去搵過,終俾我搵到嘞,好開心,佢地有好多口味既餡,我揀左芋泥同牛油烏沙(紅豆沙)

芝士蛋糕(附食譜)

今日係父親節(8月8日)我今年決定再挑戰整個芝士蛋糕,話說兩年前第一次整,又冇mixer,又唔識用分蛋法,攪到大失敗...今次上網睇哂所有有關芝士蛋糕既食譜,希望冇再失手啦...

迷你瑞士卷

真係俾屋企個焗爐玩死...事關我個焗爐唔大唔細咁,好難搵到岩size既烤盆/烤模!!

今日終於動手整瑞士捲,但只可以做到mini版...因為個焗爐size問題,之前買左個比較大既烤盆,點知返到屋企差0.2cm就係擺唔落,頂...

最後攞返去換囉...唔係嘛,一細size細左好多,算啦,唔整瑞士都可以用黎焗其他野嘛!!

但最終換左依個細兜返黎開光始終都係做瑞士捲!!!

Cup Cakes

見到好多扑友都整muffin,我睇到都流哂口水,睇人食倒不如自己又試下整,就從最原始既cup cakes做起啦

做之前又要搵用具同材料,事關我依邊真係好鄉下,唯有上網搵,想買個muffin tray(連模),但係個個size好鬼大(因我家既焗爐好細個)唯有買散既cup cake mold啦...

解決左用具,但係材料又搵唔到...依邊冇自發麵粉賣,咁點攪好呀即刻又上網搵啦,就搵到個網教人自己調自發麵粉,我又黎自己左溝右溝下囉...都算成功既,就咁用具同材料用個幾禮拜準備下,第一輪cup cakes終於出焗嘞

因為用中筋麵粉+泡打粉做,感覺唔多棉,下次試下溝低筋麵粉

葡撻(附食譜)

問老公想食葡撻定蛋撻,佢又係諗都唔駛諗就話葡撻,就整10隻過佢地嘆啦...當然我都好鐘意食

上網搵食譜,見到話要加酥油,我即刻去食物材料行搵下有冇,好彩今次冇失望,一搵就搵到

火腿粟米包

自從前幾日整pizza失敗之後,一直都唔敢再整,唯有整我一直好想食既火腿粟米包啦

記得以前讀中學時,朝早必定經過火車站,我成日都會買東海堂裡面既火腿粟米包配維他奶做早餐,真係好好味,今次整黎等我懷念下以前既味道...點知六隻被62食鬼左三隻,得返三隻我同老公share咋,唔多夠喉,過兩日再整過

表面有d過燶既感覺,好彩都好好食

新焗爐第一彈---雞批

終於有返個焗爐嘞...

以後可以整好多烘焙野唔駛恨其他網友啦...今日終於開光,究竟係邊款咁lucky俾我打響頭炮呢???Da la....就係雞批是也

士多啤梨醬曲奇

上星期Christmas既時候我在家做了曲奇,因為不想太單調,就在曲奇上面加士多啤梨醬,效果真的很不錯,之前朋友告訴我可以用手整到曲奇圓圓的,於是今次我不再做到不規則了,真的好好多,唯一不足就係太鬆化了攪到曲奇表面好似好多紋,可以我加了大多milk,太濕太軟,不過口感不錯,老爺好鐘意食,本來整了一些俾叔仔的女兒庭庭食的,但最後都俾老爺食晒,今個禮拜再整,到時再給庭庭....

               

葡撻

前日去台中買了一些做cookies的用具,在那裡看到有很多做點品的材料,而我一直都很想做蛋撻或者葡撻,當然也是因為我自己鐘意食啦,於是就買了材料回家做,撻皮我是買做好的,因為老公說買現成的就好,自己做撻皮會比較繁,所以我就選擇了葡撻皮,第一次做有模有樣,總算成功,那撻模有15個,我昨天只做9個,因為料不夠,今日再把剩下的6個完成,昨天我只食了1個,其他的都被老公他們吃光光了,真係好好味呀!!!

         

超鬆化曲奇

除了以前在學校有做過一次曲奇之後,就從來都未做過,而且我好鐘意食,所以前幾日就買材料,昨日終於的起心肝做我自己個人第一次既cookies,上網找了很多食譜,最後找了一個最簡單既來做,在攪牛油和糖霜的時候,老公在問我為何那麼乾,是不是要加水,我當時都confused了一陣,但我上網睇過沒有人提過要加水,但有說可以加牛奶,我就照著做,最後出來的效果好好,真係非常鬆化.....美中不足的就是找不到o即咀,做不出花型,只是做了大小不一的一塊塊,下次一定要去找找看哪裡有的賣,第一次的cookies成功...

                 

樣子不是很好看,不過真係好好味.....