韓式炸雞(附食譜)

一睇張相就知道我最近迷上邊個啦

正是星星既女主角

佢喺戲入面既最愛----炸雞砲啤酒

次次見到都流口水

就想去逢甲夜市既朴大哥買

但因為部戲太紅

攪到朴大哥生意做唔切

仲比人恐嚇

我緊係唔會去同人迫啦

自己整食幾多都得

正到呢

1. 白鑊炒香白芝麻待用

2. 雞肉用豉油 . 胡椒粉醃入味, 加入雞蛋一隻拌勻

3. 將雞肉沾上炸粉落炸至金黃色熟透, 盛起備用

4. 另起鑊爆香蒜蓉和洋蔥蓉, 加入韓國辣椒醬 . 茄汁 . 麥芽糖 .麻油和水煮滾至汁液收乾熄火

5. 將雞肉拌入醬汁,灑上白芝麻上碟即成

P.S. 食譜大多數係用果糖漿,屋企無就用麥芽糖代替,比較健康! 另亦可用蜜糖同樣好味~

韓式泡菜燒肉(附食譜)

依個餸係唸唔到要煮咩時

喺雪櫃見到材料好快手煮好既餸

簡單又好送飯呢

1. 泡菜適量備用,火鍋豬肉片一盒,蒜蓉少許

2. 熱油鑊爆香蒜蓉,落豬肉片炒至熟

3. 加入泡菜炒勻(泡菜份量隨個人喜好增減)灑上蔥花上碟即成

韓式牛肉大醬湯（附食譜）

                                                             

最近放工返嚟就睇韓劇

成日聽佢地話煮大醬湯

令我又懷念之前同韓國人住嘅日子

每個星期最少食一次

星期一放工拿拿聲買材料返嚟煮

老公猛讚好正，話味道好過韓石屋好多❤️

再黎拌拌飯(bibimbup)

老公放五一假,問佢想食咩...佢諗都唔駛諗話要食拌拌飯同南瓜湯

又韓又西,我都係滿足佢兩個要求,首先黎個拌拌飯先

我依個論鬼煎蛋攪到穿哂,三隻都係咁,不過好彩都係流返落去飯果度

泡菜鍋

上個禮拜用自製泡菜整左煲泡菜鍋,老公食到lam lam脷,佢依幾日成日叫我再整,所以琴日出去買左d火鍋豬肉片返黎再黎一次泡菜鍋,等老公再過癮下

先用豬骨煲一煲豬骨湯底,再加みそ(味噌/麵豉醬)

將豬骨撈起,湯底加入泡菜待再滾

再加入火鍋豬肉 . 豆腐 . 小唐菜 . 餃子 . 冬粉等(材料因應喜好加入)

最後可打一隻蛋(屋企雞蛋用哂冇落到)

試味若唔夠鹹可加鹽調味即成

韓國辣蘿蔔

之前整韓國泡菜用剩左半條白蘿蔔,煲湯or炒都唔知夠邊個食,又唔想為左依半條走去買多條返黎,見我d泡菜整得好成功(差唔多食哂咁濟),屋企d料又齊哂,就整個辣蘿蔔黎試下

韓國泡菜

之排買左一堆韓式材料,而且屋企現成泡菜食完晒,拿拿林走去買返條白菜返黎自己整其實今次係我第一次自己一個親手整,之前係英國都係做幫手果個,今次就用我緊有既記憶做我第一批泡菜,所以只係買一隻白菜試下,成功左之後再整多d

因為第一次整,手忙腳亂唔鬼記得影相,只係整完先黎左個製成品~~

韓式醬料

係英國讀書時期我係同Auntie(媽咪朋友)個仔兩公婆一齊住,佢老婆S係韓國人,就係因為咁我由一個唔係好食辣既人變成左餐餐泡菜送飯,而改變我既人唔係韓國老婆S,係佢媽媽(Ming Jia yi more)

話說有一年Easter佢去左英國探佢個女,佢個女S要返工,所時平時都係我照顧佢媽咪,因為大家雞同鴨講既關係,同埋人地山長水遠黎到,平時叫我食野我真係唔好意思拒絕!所以就係個時起朝朝早餐食勁辣韓國餐

連續食左差唔多3個月(唔計午晚餐)想唔食得辣都幾難...

所以而家定期都會買現成泡菜返黎食,但係要買地道既泡菜唔容易,同埋價錢都唔平,細細瓶要成兩百幾蚊,所以就想自己買材料返黎自己整...但我又搵過我住依邊到台中都唔多覺有韓式材料賣,因為大部依d野都係係台北容易搵,我又冇理由走去台北咁遠...

於是又上網搵,台灣既網路商店實在太方便,比我係奇摩(Yahoo)拍賣搵到有專賣韓國材料網,即時扑鎚買晒d材料返黎,台灣訂購網既送貨服務大至分為3種~~ 1)宅配  2)貨到付貨  3)超商即便利店(7-11, OK, 全家...etc)我今次揀既係超商取貨,因為平比宅配10蚊...貨到付款係最貴,通常冇乜人揀...

訂左兩日貨就已經到左我指定既便利店,我好suprise佢地比其他網路商店快...睇下我訂左d乜先

辣椒粉600g .

魚乾粉一包 . 海鮮粉一包 . 韓式辣椒醬(煮拌拌飯用) . 韓式麵豉醬(煮紫湯用) . 味醂...因為訂既時候唔見有蝦醬,但後黎俾我係佢地PChome個網又搵到,所以另外買多支,所有加埋唔駛1000蚊,都唔貴...依度夠滿足我韓想症

拌拌飯

拌拌飯一詞其實係石頭拌飯演變而成的,不同的就是拌拌飯都是用煮好的材料整,而石頭拌飯就是把材料直接放到石頭碗入靠石頭的熱力將材料煮熟....

一直以來我都很想煮拌拌飯,但係o係台灣好難買到韓國醬,沒有韓國醬怎能成事呢,所以一直都沒有煮到,後來因為大伯o係supermarket買了一瓶泡菜返來,我幾乎日日食,就突然好想整拌拌飯了...以前在英國成日食,而家我又想食,而且老公煮未食過我整的...所以前幾日我們就去日本supermarket搵韓國醬,結果俾我搵到,但係包裝和我以前用的不一樣,老公就叫我買來試試,最後我就成功完成了拌拌飯,味道一d都唔輸韓國餐廳...yummy yummy

材料: 碎肉 . 波菜 . 荳芽菜 . 紅蘿蔔 . 磨菇 . 泡菜 . 日/韓試紫菜 .芝麻 

醬料: 韓國醬(圖中紅色物) . 豉油 . 麻油 . 醋

做法有點複雜,大家要煮的話現在就用紙記低啦....

先將紫菜用水泡開,加入小魚乾 . 芝麻 . 豉油&麻油用小火拌勻

用滾水將波菜滾熟至軟身,撈起過冷河用手把它擰乾水,加上適量豉油 . 麻油 . 醋 & 糖拌勻備用

將其他材料材料各自用豉油炒熟(泡菜除外)

然後將全部材料一起放到飯上面,當然要加上韓國醬啦

再煎一隻半生熟既蛋(蛋半生熟可增加飯的濕度,大家不能接受可用全熟蛋)

把它們拌勻就成為了超級美味的拌拌飯....真的好好味,大家可以試試!肯定比出面餐廳平好多....