生日@台北一日遊 2014-01-04

 今年生日正日剛剛好星期六

老公早兩星期前計劃去台北同我過生日

我地自己唔想揸車去

搭巴士去又唔駛搵地方停車

輕鬆好多

合歡山清境一泊二食 2013-12-06

上上星期五六我地上咗轉合歡山

因為太太耐無上山住了

決定上去住一晚

星期五5:30一到我即刻就離開公司

上山要兩個小時呢

20131013 薰衣草森林

星期日一大清早就同老公出去郊遊

主要係想練習下新買既單反

我想睇花

老公就提議去新社既薰衣草森林

4th Wedding Anniversay Dinner @ 摩爾花園

琴日係我地結婚4週年,一於以往每年都會出去食飯

今次我地訂咗電視介紹既依間"摩爾花園"...

摩爾花園位於雲林縣斗六,老闆係一個大學教授,多年前放棄大學教鞭,把之前喺德國生活十幾年所學到既廚藝開餐廳~

一到餐廳彷如置身歐洲古堡,之前睇電視已經好吸引

根據老闆講法,佢唔係大廚,如果想食好味既食物就唔好去佢餐廳,佢話想比個地方大家去relax,同老闆傾傾偈,咁話喎~~~聽老闆咁講,我地唸d食物應該係好普通過得去果隻,所以一早唔會抱好大期望

是日晚餐係以半自助餐型式...當我同老公食第一啖意大利焗飯之後,即刻講咗句:實在太好食嘞,唔知老闆係太謙定我地對食物要求低,我地覺得真係好正~~完全拍得住好多有名餐廳

餐飯食得我地好開心,下次一定會再幫襯

連續假期出遊樂 (2011年2月26日 & 2011年2月28日)

喺過去既long weekend我地又去清境同溪頭~

之前買咗清境民宿既住宿券,難得又有長假就上山住返晚,早喺老公放假前打咗去訂房,好幸運地未full,所以星期五等老公放工就上去嘞

今次上去沿途都係櫻花,我地住既民宿都種滿哂,真係好靚呀...星期六落山時見到路邊好多檔擹賣櫻花苗,見平平地就買兩棵返屋企種,老闆話成唔成功要種3年先知喎,好似耐咗d

是日天氣好好,雖然朝早成山都係霧,但係太陽好猛,唔駛一陣d霧散哂,全日都藍天白雲,個天藍到好似喺外國咁,因為平地未見過咁清架,見到咁好天,心情都靚d

話說我去清好多次,但係從來未入過清境農場...果日終於決定入去參觀羊咩咩!!民宿負責人話朝早同晏晝會有剝毛表演(我地去果陣個表演完咗)

睇完羊仔落山返屋企嘞

喺假期最後一日我跟咗老公去溪頭做市調,上到去有茶花展

是日最大收獲就係終於比我喺台灣搵到佢嘞~~~依幾日見到佢喺廚房真係好開心!!

老公既假期就咁就過完嘞,不過都幾充實

白色聖誕

太耐冇update blog嘞,真係懶左好多~~首先喺度同大家補講聲Merry Christmas

之前我地去左旅展買落既飯店住宿券,老公已經一早攞定假plan好今個聖誕節去清境過,,因為怕多人,我地早兩個月就訂左房,而且間民宿係喺Old England隔離,唔早d訂可能會冇位...因為我地係平安夜去,所以好lucky夜晚可以去Old England睇煙花

煙花未有耐睇,晚餐又未有得食,所以我地上左去小瑞士果邊既7仔買野食醫肚(喺山上好難搵到好野食)因為果日老公要返工,我食左早餐同一個hotdog午餐,鬼C咁肚餓~~食完野周圍行下就返去民宿食我地既平安夜dinner~~

到夜晚11點幾我地就去睇煙花,雖然唔係好大型,但唔駛同人迫睇得好開心

聖誕日老公話上合歡山睇一個點(同佢工作有關)就係咁樣完全冇準備底下我地就上山,又係因為咁比我地睇到落雪喎...喺台灣我都係第一次見落雪,好開心呀,可憐老公帶唔夠衫,佢就喺車上將所有戴得既都攞黎用,我頂夏天草帽

因為路面太滑,我地冇辦法繼續再上去,所以老公係睇唔到果個開舖既地方~~奇景睇完嘞,我地返返落山腰,不過回程我真係好辛苦,喺中途我真係轉到嘔

落左山腰已經係lunch時間,緊係去我地既老地方~~~~"普羅旺斯玫瑰莊園"食佢地既法式午餐,哇...依餐真係好好味呀,好滿足呀...食飽飽就落山返屋企咯

BBQ家庭日

上星期六老公公司喺台南攪左個BBQ家庭日,我地朝早7點就出門去台中老公公司樓下集合,到左台南走馬瀨公園已經10點半,去到燒烤場有好多人開始燒嘞(有好多食南部公司既員工,佢地好早就到達)因為太熱我地都冇乜點食到野...

久違既台中半日遊

好耐冇去台中行街嘞,一來冇車揸,二來老公又要返工,就算平時weekend老公得行都唔想去,因為佢公司喺台中(佢話唔想weekend都要去返工既地方喎)就咁我都冇得去

我最近真係凍未條嘞,今個weekend一定要去,事關我睇中左Vivienne Westwood x Melissa-Zen Girl既涼鞋好耐,所以決定要去買,就係我既堅持迫到老公屈服...點知去到Westwood見唔到我想要果款,得高踭,我要平底呀!!唯有上網買啦...

一場去到勤美,順便落去地下39元店買圓紙盒,因為答應左朋友要做個不織布蛋糕盒俾佢,到而家已經大半年嘞,推左咁耐係時候要做,又係冇(今日真係唔係我既shopping day)買唔到我心目中plan好要買野,反而買左一d我搵左好耐都搵唔到既野!!

國際縫紉藝術生活展2010

喺過去既星期日(5月16日)晚老公朋友請我地聚餐,但中午佢要去飲(我緊係唔去啦,因為佢同事我唔熟,同埋係自宅擺酒,冇冷氣又悶)所以朝早老公先送我去台中新光三越9樓既縫紉展,我係時候要物色衣車,同埋睇下有咩靚布/口金好買!!上到去都幾多人,歐巴桑同年輕女性為主...

見到佢地大部份既布都包裝好,同埋都幾貴,我上網買只係佢地既一半價錢,最後都係行下睇下,都冇買到野!!

合歡山清境遊

琴日Weekend老公要做市調,我又跟佢一齊寓工作於娛樂,今次地點係合歡山,有成兩年幾冇去合歡山啦,去到見到多左好多歐式設計既民宿,之前去冇咁多,而家差唔多成座山都係,間間都不同風格,去到好似自己處身於歐洲,真係好靚呀

北部半日遊

上星期日送完皮蛋機,去到北部既指定動作,去桃園IKEA嘆個超值早餐(NT$39),因為抵,所以每朝都會有好多人,試過閒日去,一樣迫滿人!!!

既然去到IKEA,冇奶油只係食早餐就走架,點都要帶d野走既,依個可能係點解IKEA早餐咁平既原因,去食個早餐外帶一d產品(shopping),點計佢地都係有賺

過年去左邊

過年期間因為老公工作關係,由初二開始我地就實行邊工作邊娛樂

我地去左集集火車站(細姨奶奶就係住係附近,)果度又係一個旅遊景點,當日真係好多人,本來諗住將車停係姨奶奶屋企,我地就行過去火車站果邊,但佢地好似出左去玩,我地只好自己搵地方停車啦~

依個餐廳就建係火車路軌前,不過我地冇去食野,因為我地要食對面既小食街

火車站隔離有個公司,因為過年關係,有辦活動,是次為紙雕公仔~~所有作品都係小學生做,係唔係呀

肯定老師先係大功臣啦

係食街有好多好野食,依個用竹筒煮既湯,但係我唔見佢地煮,只係見到佢地係隔離個"不"d湯落個竹筒度,俾人一d假象

新竹米粉好有名(其實市面賣既米粉種類,求其攞一包都係新竹米粉,唔明點解我又要食佢)我地叫左炒米粉+粉麵+新竹貢丸湯...台灣叫貢丸既唔同香港,台灣貢丸冇冬菇,香港食開果隻貢丸係台灣講明叫香菇貢丸,所以大家要叫就要講明喇!

依個叫咩炸熱狗,好多地方都有,不過幾好食

去集集之前,我地要去鹿港媽祖廟拜拜,入到媽祖廟拜5分鐘就要出返黎,鹿港更加多人,去到邊度都迫滿人,所以係咁易食左個蚵爹

同埋麵線糊就走人...

每逢過年,中南部都迫滿哂人,相反北部就會好冷清,其實過年我地都唔想出去,因為周圍都大塞車~~最可惡既就係政府規定私家車上高速公路,每架車必須要有3個乘客以上先可以上high way,如果唔夠3個人就要罰NT$3000,係咪傻架?如果人地屋企得兩個人就邊度都唔駛去啦,政府真係好Q白痴!!攪到好多人過年前都買定d假人擺係車入面,唔夠人數就攞個假人"登"夠腳,真係大吉利是囉~~~