興隆毛巾觀光工廠

上星期老公經朋友介紹,帶左佢去參觀一間係雲林虎尾既毛巾工廠,老公返到黎同我講話我一定會鐘意一定要帶我去參觀

懶人早餐~~蛋餅(台式Pancake)

又係一個適合懶人煮既早餐,難得我同老公+老爺都鐘意食,仲有會好食到之前細皮蛋日日要求我整俾佢做早餐

自製生鹹蛋

鹹鴨蛋可能對一般香港人黎講周街都可以買得到,但我係台灣生活之後發現原來只係個一個普通既鹹蛋都搵唔到,我講既係生鹹蛋,台灣竟然冇得賣,只有熟既鹹蛋(真係吹漲)平時想滾個湯都冇

終於上個月係Mrs.T既blog度見佢教自家整鹹蛋,T太真係幫左我個大忙,我唔駛再四圍搵生鹹蛋,即刻去買左10隻返黎試,而Mrs.T教既兩個方法我都有試,詢Mrs.T要求post出來分享

不織布草莓&南瓜電話套

近排係屋企冇野做,見之前買落既不織布再唔整就黎佈滿蜘蛛網,就想整個電話套俾我部電話,同埋整依個strawberry電話套好快,粒幾鐘就可以完成,唔似之前整俾皮蛋既蛋糕咁複雜...我對今次既作品都好滿意 

   

因為做左strawberry見幾靚,最近又玩game都開始有halloween野,黎多隻南瓜電話套啦,不過做依個南瓜電話套只係應下節姐,我都係唔會帶佢出街(有d低能)

被提醒的update

有朋友同格友問我點解宦唔update個blog,我先發覺我真係好耐冇update我個blog啦,因為之前又去左大陸住左個幾月,以為就會有好多新鮮事發生啦,點知令我非常失望...頭兩個禮拜去左搵我老公(親愛的係福建做野),初到貴境,真係唔親身體驗過唔知道,老公公司簡直係一個減肥大本營,去果邊做野既台灣人都瘦到冇飯依咁,當然我老公都唔例外,佢由我儲心經營既肥do do體型係兩個月間走晒,變返以前既瘦樣(當然我係既羨慕又心疼)因為佢公司有煮飯既媽媽專煮俾佢地台幹食,應該唔會咁差,去到先知原因出係佢地老闆身上,佢地老闆簡直唔係人,連食餐飯都要碎碎諗,大佬呀...成日咁樣疲勞轟炸想肥都難啦,我真係唔好彩同佢食左成個禮拜飯,佢係全公司最唔想見到既人!同埋果度真係好污糟,冇一條街係乾淨,大陸人既水準真係差到呢,好既野過冇耐都會變得污糟晒,最誇張就係周圍都係(黑衣),真受不了我之前心諗去到時可以上網,應該冇問題啦,點知又係攪到我唔想留既主因,網你上到,但係所有中國以外既網站都俾大陸封鎖晒,唔係咁攪呀???後黎就上大陸網站搵有咩方法可以上網,最後俾我搵到一個代理,可以幫我解決果兩個禮拜既上網需求!到左兩個禮拜後又去左成都搵我媽咪,果邊連上網都有問題,我媽咪住果邊個訊號簡直係差冇我發癲,攪到我的facebook game都冇得玩,電視又冇得睇,我媽咪又要做野,得我一個人留係住果度,我一個人又唔敢出街,大陸既地方我冇信心一個人出去,所以係果邊三個禮拜,我最高紀錄係10日都冇出過去,又同外界隔絕,我成個人都自閉到不行,最後因為老公有得放十一黃金週,佢決定帶我返黎台灣,順便等明年攞身分證(因為我出境紀錄差唔到滿,一定要留返台灣)就咁就結束我個幾月既大陸之行,最大得著就係見到我媽咪,同左佢三個weeks,佢都好開心,返黎果日真係有d唔捨得我最愛既媽咪,見到老公成個人喊到豬頭咁,真後悔同媽咪相處個三個weeks成日同佢嘈發佢脾氣,不過依d都係我地兩母女既生活方式,偕因我係媽咪心目中既女王...真係想快d再返去見佢,同媽咪撒嬌

淮山杞子鮑魚煲雞

          

自從黎左台灣之後,我好少機會飲到媽咪煲既老火靚湯,我係一個好鐘意飲湯既人,以前o係英國我都會帶好多煲湯料過去自己煲,但係係台灣真係好少搵到我想要既料,黎黎去去都係個d咩麻油雞呀燒酒雞呀四神湯呀咁,我一d興趣都冇,同埋飲台灣補湯容乜易飲到我流鼻血架!突然有一日行開supermarket,見到鮑魚減價(梗係冇o係香港媽咪買既鮑魚大隻同好啦,我d係細雞野黎架咋)於是我就買返黎煲雞囉,我就走去藥材舖睇下有咩煲湯料買囉,我一問之下有好鬼多都係冇架,例如陳皮&無花果,係依邊根本就搵唔到,不過好彩俾我搵到一d,好似淮山.党參.慈實等等,不過台灣同香港叫法又有d唔同,個日老闆都俾我問到out晒頭

仲有62有養雞,冇錯,佢好enjoy養雞呀種瓜呀咁,因為佢養太多喇,我地梗係冇辦法日日食啦,所以d雞由過年前養到而家,由雞仔養到變老雞,再唔劏遲早變雞秘祖架喇!今朝心血來潮就攞d鮑魚仔出黎煲湯啦,同埋今日係台灣既父親節,就煲煲湯黎孝敬62個老人家囉...味道唔錯,當然冇得同媽咪既愛心靚湯比啦,不過好過冇囉煲好之後我即飲左兩碗

Hotel One下午茶

        

我+老公初初認識時同佢去半島飲過下午茶之後,佢已經被半島既下午茶吸引住,每次我地返香港都一定會去...不過冇得返香港,又想去high tea,點好?因為台中有間hotel頂樓有設英式下午茶,適逢皮蛋們返黎,大姑奶又要去Sogo shopping,我地就決定去Hotel One 46樓high tea一番,so far我+老公依然覺得半島既好食好多,而大姑奶仲攪笑到話high tea完仲想去食魯肉飯,睇黎佢真係prefer台灣風味既食物,不過佢最滿意係有得食芝士鍋,因為佢係英食開都係朱古力鍋...不過我未去過Hotel One,去睇台中住景都ok啦

          

大姑奶一直complained James著住對沙灘拖去high tea,好彩佢係小朋友,同埋個度應該唔會咁介紹既,因為都冇特別強調唔著得拖鞋!皮蛋們帶左佢地既簿仔本去畫畫,終於有一刻可以淨下來