豆豉小魚乾炒山蘇

初黎台灣時成日見到街市有賣,但係我未食過唔知一直都冇買黎試!!記得第一次食山蘇係喺太奶奶果邊食餐廳食,嘩...一食就愛上左,就用自己味覺記低,之後耐唔耐見到街市有賣就即買黎炒,真係好好食!!!

不過一包好少,價錢有d貴,以前d人唔知佢係咩,所以冇人會買,但而家好普遍,就咁佢既價錢就係咁升!!!不過鬼叫我鐘意食咩

3rd Wedding Anniversary(3月26日)

今日係我同老公結婚3週年,因為老公工作關係,我地今日唔會有慶祝...但係點都要撐下枱腳架!所以提早上星期六去食左飯慶祝~~~

枝竹炆豬肉

又有新發現

我個人好鐘意食枝竹,記得細個時媽咪煮親有枝竹嘅餸我都特別叫媽咪煮多d,食時專挑枝竹黎食...但係而家喺台灣從來未見過枝竹,之前返香港因為驚碎買左一包咁大把,早就俾我食鬼哂...

琴日喺冰格攞舊五花腩出黎唸住滷豬肉,但係實在太細舊嘞,於是我醒起台灣有一種水浸腐皮,之前用過佢煲腐竹糖水,好似可以用黎代替枝竹喎

於是真係得喎,買返黎切成條狀,又埋枝竹嘅口感(不過有d唸)以後食枝竹唔駛等返香港嘞...

琴晚又俾我一個人挑哂d枝竹黎食

五花腩用水煮熟出雜質(通少教落豬肉一定要和凍水同煲,不要滾水落,因滾水先落豬肉裡面d血水好難出)再洗淨切塊

燒熱鑊爆香薑數片,加入五花腩略煮至表面金黃灒酒

加入生抽 . 老抽 . 糖 . 水和原粒蒜頭數粒煮滾後轉慢火炆至豬肉變軟

再加入已浸軟枝竹炆至全部入味即成

 

 

我的新寵兒~~CANON POWER SHOT G11

終於到手嘞...

老公部DC廢左好耐,佢因為工作關係攞左我部傻瓜相機,依幾日我都冇相機用,咁我就緊係把握依個大好機會叫佢買部新野俾我啦

其實我想換相機好耐架嘞,話過我唔會再買傻瓜機架嘞,但係我對DC又冇咩研究,又未去到可以買專業,驚買左唔識用

睇雜誌同埋上網見CANON既POWER SHOT系列好受歡迎,於是就將佢列為我既目標,同埋我地間屋都係租俾CANON,賺佢地錢,點都要幫襯返佢地既

禮拜日老公就帶我去燦坤揀相機,話送我做結婚週年(3月26日)禮物...嘩,即時好感動呀

是日本來想買G10...因為係舊既一代,燦坤話已經冇貨嘞,我就問G11有冇,佢地話要訂(因為依系列實在太受歡迎,要預定先有)老公二話不說就落order,琴日貨到左嘞,夜晚等老公放工即去攞...

但係去到發生左d唔係咁愉快既事,果兩個死人sale屎,真係俾佢地激到我地有d唔想買,佢地兩個異形男女,態度差兼動作慢,兩條友serve我地攪到後面排哂長龍~~

之前訂果日係店長serve我地,店長已經話會送8G既memory stick過我,又可以以會員價購買,琴晚因為店長off,我就講係咪有送8G stick,果兩條異形話冇得送,乜Q態度呀,我即刻同佢講話店長話送架,個賤男即刻把電話問店長係咪,之後好唔老黎咁攞俾我地,又話老公既member過左期,要加400重新入會先可以有得平,真係頂佢地個肺呀!

我即刻串佢地一句"一年之內沒消費就取消會員,哪有人那麼閒一年換電器一次呀,你們公司怎樣也可以賺400,擺明A錢嘛"佢地聽到即時冇聲出...把幾火真係想走人,但係最後老公都係忍住,順利帶左佢返屋企...本來好興奮既一場shopping,俾果兩條騎呢怪攪到心情down左一半!!不過我唔會就咁罷休,我攞左店長電話,會投訴佢地既服務態度

就想賴著你 Vs 偷心大聖PS男

我真係一個電視連續劇迷,一到夜晚,我可以一劇呵成由8pm開始睇到12am,因為台灣電視劇真係好好睇,閒日星期一至五8pm-10pm係睇中視<<青梅竹馬>>星期一至四10pm-11pm睇華視<<大老婆的反擊>>之後11pm-12am睇返中視<<誰來愛我>>星期五10pm-11:30pm睇台視<<第二回合我愛你>>依種睇電視安排真係好岩我,連老公都佩服我利害唔會miss任何好戲...

自從台視<<下一站幸福>>播完之後,諗住轉返中視睇<<就想賴著你>>但係好死唔死台視又推出一部我覺得都ok攪笑既<<偷心大聖PS男>>攪到我而家真係唔知先睇邊部好!因為兩者都係星期日同一時段晚上10pm播,我好唔鐘意依個感覺!要我選擇性收看...雖然有重播,但係我想睇第一首既新野!!

入面既男女主角都好有睇頭,<<就>>片用言承旭配S.H.E既Ella...Ella拍戲真係好攪笑,佢完全靠實力...而<<偷>>用既就係俊男美女,藍正龍 . 白白 . 隋棠 . 溫昇豪!一開始就拍藍正龍上康熙,雖然係扮小S既小八演(藍正龍前女友係大S)果段真係笑死我喇

直得一提既就係入面既童星小小彬(即當年星星知我心入面童星小彬彬個仔)佢由下一站開始,到而家依兩部佢都有份演出,攪到佢兩個台都要做宣傳,真係仲煩啦!!不過真係好可愛

就想賴著你       


偷心大聖PS男

青蒜炒雞肝

琴日62又買雞返黎今日要拜太62,佢仲買左一大包新鮮雞肝,我唔想再用黎煮鹹湯圓嘞,就用黎炒啦,估唔到又幾好味喎,不過略嫌乾左少少,下次連汁都煮埋會仲加perfect

三杯雞+竹荀排骨湯

星期日因為係元宵節,屋企雪櫃又多左兩隻雞,琴日就砍半隻黎整個三杯雞啦!!!今次麻油同米酒都加多左,出黎味道好香麻油味,好好送飯