椒鹽雞翼(附食譜)

雪櫃仲有一包雞翼

完全唔駛唸點煮

見到有乜醃料就落乜

雞翼真係點煮都好食

韓式泡菜燒肉(附食譜)

依個餸係唸唔到要煮咩時

喺雪櫃見到材料好快手煮好既餸

簡單又好送飯呢

1. 泡菜適量備用,火鍋豬肉片一盒,蒜蓉少許

2. 熱油鑊爆香蒜蓉,落豬肉片炒至熟

3. 加入泡菜炒勻(泡菜份量隨個人喜好增減)灑上蔥花上碟即成

合歡山清境一泊二食 2013-12-06

上上星期五六我地上咗轉合歡山

因為太太耐無上山住了

決定上去住一晚

星期五5:30一到我即刻就離開公司

上山要兩個小時呢

愛心甜點 Amo - 2013-12-05

老公星期三去咗台北出差

尋晚喺我放工已返到屋企

我放工後冇上去就直接同老公出去晚餐

食完飯我仲累老公買小食比我

但佢一口拒絕

原來有人早就買甜點比我

包裝好靚~

葡國雞翼(附食譜)

2013-12-02

之前喺Costco買咗兩大packed雞翼返來睇門口

尋日突然好想食薯仔

又好想有汁送飯

醒起屋企樽薑黃粉仲有好多剩又快到期

拿拿聲放工去超市買齊材料煮返個惹味葡國雞翼

暖笠笠兩餸一湯晚餐 2013-11-28

依兩日氣溫驟降

尋日仲又濕又凍

唔想出街食飯

喺屋企煮個簡單兩餸一湯晚餐都好正

充滿心思的禮物

11月初公司有幾個丹麥的客戶來台5日

其中一個女客人返去丹麥後寄咗份禮物比我

尋日當我打開後見到一張紙卡

佢自己寫我既中文姓氏

仲畫埋公仔添

我只係教過佢寫一次

佢就記得仲加埋特別用心既設計

好感動

話時話,佢寫既中文字靚過我老公手字好多

蒼蠅頭

上個星期因為有由客人由丹麥來

我朝頭早一早出門

到夜晚成11點先返到屋企

雖然老細請客餐餐食好野

又可以見靚仔

但我都係掛住同老公食我既粗茶淡飯多d囉

所以一解放即刻煮老公指定既蒼蠅頭過佢

食到佢lam lam脷

簡單又滿足

蒼蠅頭食譜click here!!

Soft Metal

喺某個weekend既早晨我地散步去屋企附近搵食既

正唸緊食乜好時

一間原本係舞蹈教室既鋪

唔知幾時換咗做早午餐+下午茶既餐廳

咁就即管入去試下啦

外面擺設好有趣

兩隻狗狗一隻真一隻假

是日去時適逢halloween

瘋蝦吃到飽 2013-11-03

前幾日老公朋友請食飯

佢喺瘋蝦訂咗位

佢係一間用蝦做出唔同口味既料理

好彩朋友有事先訂位,唔係爆哂棚唔知等幾耐

全國飯店飲茶 2013-11-01

喺台中要飲餐荼真係唔容易

一黎貴,二黎唔好食

全國係我食過喺台中黎講數一數二

之前喺Jazz Festival買咗佢地既餐券

上星期五放工就去食

搬家大成功

尋晚終於將舊Y!Blog全部搬哂過來嘞

事原前兩日用咗超傻人方法幾舊blog續篇續篇copy & paste

好彩朋友V尋晚比咗個blog教學我

最後我將前兩日辛苦既蠢方法既blog全部剷走

再用正常方法搬過來

所有日期同留言都喺返哂度

中途有個小意外

就係d相出唔到

原來我懶醒以為完成哂所有野就冇再整下面既step

最後又要剷走一次再整過

排除萬難最後連相全部搬過來

太開心

韓式牛肉大醬湯（附食譜）

                                                             

最近放工返嚟就睇韓劇

成日聽佢地話煮大醬湯

令我又懷念之前同韓國人住嘅日子

每個星期最少食一次

星期一放工拿拿聲買材料返嚟煮

老公猛讚好正，話味道好過韓石屋好多❤️

20131013 薰衣草森林

星期日一大清早就同老公出去郊遊

主要係想練習下新買既單反

我想睇花

老公就提議去新社既薰衣草森林

黑椒雞扒意粉

依味做法簡單

超級好味

雞扒點樣混香草都好香口好食

第一次整老公食咗兩碟

大成功～

煎牛扒

啲牛扒餐係之前食嘅

見同事女友去開Costco，我又跟埋去

啲牛扒好抵食，一於買pack返嚟煎

加埋煎帶子同雜菜薯蓉，正～

等同事再去Costco時我要再入貨

English Breakfast - 英式早餐

依個係上個weekend嘅早餐

之前喺Jasons買嘢時見到茄汁豆

放喺食物櫃好耐

同埋喺宜家買咗包腸

週末就來依個英式早餐

大豐盛，我地都當brunch

食完好飽呢

泰式涼拌花枝（附食譜）

依個係我第一次食屋企附近嘅泰國餐廳時一食難忘嘅一道菜

所以自己返屋企老翻

好清爽好正

1）花枝（墨魚）界花飛水備用

2）洋蔥切絲泡凍水、車喱茄洗淨對切、唐芹洗淨切段、唐芹葉少許、辣椒切粒

3）用一大碗倒入所有材料，加入泰式辣椒醬、檸檬汁、糖和辣椒粉拌勻即成

木瓜日月魚豬軟骨煲雞腳（附食譜）

喺隔離區嘅傳統市場

比我見到啲雞唔錯

突然想飲啖湯

拿拿聲買咗一斤返嚟煲。

1）雞腳洗淨剪去腳甲、豬軟骨出水待用

2）日月魚泡水一會、木瓜去皮去籽切塊

3）煲滾水放入所有材料加果皮再煲至大滾

4）轉小火煲兩小時，落鹽調味即成

我的新竉~Thomas Sabo

豐收中秋節

聽日中秋，今年好正，

事關我有四日假❤

除咗有長假開心之外，

仲有今年朋友送嚟月餅驚喜~

點解驚喜？事原是咁的，

話說上星期日台中香港朋友叫我早啲買美心月餅。

但我去買時好多超市賣晒（我只要雙黃白蓮蓉）

朋友知道後紛紛話寄比我！

我都唔想麻煩大家所以婉拒，

點知星期一我喺網上訂到一盒美心，

說時遲那時快，朋友同時送來美心月餅~ ❤

台灣囍慶禮

結婚囍餅❤

香港人結婚會喺囍帖裡面夾張餅卡，係好似好方便，不過感覺較冷漠！

在台灣，結婚通常女方家人會派嫁女餅，唔係餅卡，係現兜兜一盒盒嘅禮盒！因為習俗，所以台灣有好多做餅嘅工廠！因為現代人，老一輩嘅大餅逐漸比西式曲奇所取代！

台灣啲囍餅店將囍餅設計得非常美麗，下面係我收到嘅部份嫁女餅！

尋日收到嘅，係叔仔個姨仔嘅結婚囍餅，星期日可以去冚~ ❤

老公同學嘅

老公同事嘅

老公同事again

62鄰居嘅

真係款款都好靚，食哂入面嘅曲奇個盒可以放嘢呢~❤

除咗結婚囍餅，生BB都會送，不過係有生男生女之分嘅！

 

生男嘅就會派油飯~鄉下地方老人家會自己煮油飯+一隻雞咁送架~

生女嘅就送蛋糕~

我都幾鐘意台灣依啲傳統，收到嘅人會好窩心，又可以增加親朋好友之間嘅感情呢~ ❤

腸仔蛋炒飯

早排喺Costco見啲香腸特價，百幾蚊有兩大包，一於買返屋企看門口^^

最近成日出街食飯，啲腸要消滅咁啲先得，炒飯就最快脆嘞，仲好好味~

蒜香豆豉炒蚵仔（生蠔）~附食譜

依味好簡單，估唔到一次就大成功，不過今日快得太少蚵仔，下次一定encore~

1）蚵仔洗淨用廚房紙索乾水備用。

2）蒜蓉和豆豉適量拌勻，蔥切段和辣椒切粒備用。

3）

4）燒熱油鑊爆香蒜蓉豆豉，下蚵仔快炒10秒贊酒。

5）落調味料雞汁再兜炒數秒後。

6）加入蔥段和紅辣椒炒勻上碟即成。

p.s.:蚵仔不宜過熟，太熟會縮水，炒時時間要控制好

❤AM 食光❤

前幾日喺公司上網時，喺yahoo奇摩首頁無意間發現咗依間＂AM 食光＂小店，網上啲人一致好評，而且又喺我屋企附近，騎電單車唔駛5分鐘就到！

             

8點去到人已經好多，唔知係咪真係咁正？一於探個究竟😚

我點嘅烤雞panini,好味😍

老公嘅套餐（唔記得咩名）好豐盛，特別讚果兩粒肉丸，好正好好食👍😘

本來有地瓜粥供應，可惜我地去到時賣哂，下次會再早啲去試下佢地嘅粥！

依個早餐係好味嘅,不過唯一美中不足嘅就係latte佢地竟然加糖（我地不嬲唔鐘意咖啡落糖）同佢地反映，果個待應弟弟話我地點餐時冇講明唔好落糖，乜唔係沖咖啡嘅都唔落糖而客人自行加糖架咩，就係依度老公有點不爽😤不過食物水準好味嘅，我地會再幫襯.........一次咁多啦~😁