浯江御麵館

騎完馬我地就去左后里隔離--->清水既浯江御麵館食晚餐,睇佢細細間,成日好鬼多客人幫趁,老公之前係清水做過,所以佢之前差唔多日日lunch都去食,今次係我第二次,真係好鬼好食

依間麵館係外省人(大陸老兵或後代)開既,因為果邊以前係眷村(專俾外省人住既),所以依間開左好耐,老闆為左迎合台灣人既口味,煮既麵食都經過改良,所以好受清水人歡迎...

因為你現做既,所以食物都好鬼新鮮,次次去親都要等好耐,冇計啦,鬼叫佢好味咩,等下又何妨呢

我同老公都好鐘意食既清燉牛肉麵,牛肉好軟滑,個湯底好鬼甜,冬天食真係一流,雖然佢賣$130新台幣一豌,但真係物超所值!!!

再黎紅燒牛肉麵!

佢地既麵都係手工擀,麵條真係好Q...

仲我我地至愛牛肉捲同豬肉捲,依個真係好好好食,感覺有d似北京田鴨,不過佢裡面唔係鴨肉,仲有巨型好多

佢地既酸辣湯都好好味,不過真係食唔落,唯有等下一水再去食過...

臨走之前去左一間好似叫阿財米糕(即糯米飯)打包左3個米糕同兩碗豬腦湯返黎俾老爺食,果間野又係排隊等既店...佢地既豬腦湯話說空姐必點既美顏湯

所以我點都要飲返碗啦,佢用當歸杞子去燉,真係好好飲,豬腦一d都唔肥,正

是日非常滿足~~~