自家鹹湯圓

湯圓個個都食過,唔知大家有冇食過鹹湯圓呢

食個鹹湯圓我食左廿幾年,媽咪每年過年都必煮既應節食品,不過平時我想食都會叫媽咪煮黎食,上次去搵我媽咪時我叫佢煮,真係好好食!

返台灣之後有煮過一次,用既係現成湯圓,因為冇純白色,係紅色同白色混合,所以冇影到相,同埋唔記得問媽咪點整湯圓,一直以為用麵粉整,好彩格友Mrs.T話我知用糯米粉整

於是今次就自己搓湯圓再煮一次,老公猛話好食黎左兩大碗,仲要我過年一定要煮俾佢食咁話喎

先煲一煲湯底(可用雞/豬骨煲)我用左豬骨...材料因應自己喜好,我用左白菜 . 雞雜(雞肝 . 雞腎 . 雞胃) . 蝦

雞雜 . 蝦 . 白菜用蒜頭 . 韮菜. 蔥 . 大蒜加少許豉油炒熟備用

再將所有材料倒入預煲湯底中加1雞湯塊待大滾後加入自製湯圓煮至湯圓熟透即成

湯圓我冇搓到圓圓一粒,我係一邊滾一邊摘湯圓,咁樣可以等隔餐入味d(我認為),我好奇怪,以前媽咪煮第一餐食好少,要留到隔餐/隔夜先食,個時d湯圓會入晒味同埋一(pat),我就最鐘意食...今次又留唔到隔夜喇,俾老公+老爺食晒