平時我地都有踩單車,但甚少踩到果邊去,好彩我地琴日有經個條路先見到咁靚既景...於是今日踩單車一於改變路線,打鐵趁熱即去返果邊花田影返d相...因為可能過幾日d花就會變哂肥料架喇...
d農民種既都係以粉紅/桃紅為主,咁哂我依個姣婆既顏色,之前去台中係High Way見到有個地方有分好多顏色既花田,真係好鬼靚,不過而家唔知仲有冇喇,因為佢地只係種黎變花肥,但係我真係覺得有d (sigh)囉
於是拿拿聲同老公摘幾朵返屋企種(d花可以摘,農民唔會鬧,農會定時會發依d種子俾農民,不過我地緊係唔好意思摘咁多喇,幾朵就夠)因為d花既壽命唔會好長,所以都揀d紅花仔,咁樣可以艇耐d
返到屋企花園即刻搵幾個空地種起佢地,希望佢地快d長大啦
好靚~ 野花定人地種架?
回覆刪除九層塔都有得摘!!!??! 真係好........
[版主回覆12/28/2009 09:28:00]d花係農民種黎俾佢地既田做花肥,佢地種完一季菜/米就會將佢地既田種依d花做花肥!
郊區路邊好多架,又好快種....依邊九層塔好多唔值錢,差唔多個個屋企都有種,冇人會去摘,我就帶佢地返屋企囉
種黎做花肥，真係好side喎，香港09年花展既主題就係依種花~"秋英"
回覆刪除[版主回覆12/29/2009 09:15:00]原來佢叫秋英,我真係唔知....
我都唔明佢地點解咁sigh 花展而家仲有冇?今日返香港一轉,等我去(目及目及)先
哇~好靚呀!!好想去睇呀~
回覆刪除[版主回覆12/30/2009 15:11:00]係呀...用黎做花肥真係sigh
花展一年一次架咋，幾個月前既事黎架啦 ~
回覆刪除[版主回覆12/30/2009 15:11:00]冇我份囉
花展唔知係3月尾定4月頭架! 今年我返香港時啱啱係花展，不過我冇去....
回覆刪除[版主回覆12/30/2009 15:10:00]即係冇我份
無錯~ 不過妳返去玩得開心d，食多d + 買多d來補返數囉!
回覆刪除妳老公無同妳一齊返去?
[版主回覆12/31/2009 14:56:00]冇呀....我係有d事返黎,佢係台灣back up我