我會答我是我對手...
以前一直覺得自己對手既皮膚係全身最滑既
但不知從哪時開始(青春期?定之後?)
我對玉手就出現不尋常變化~~皆因我擁有了一雙富貴手(即主婦手)
講主婦手倒不如照台灣說法是富貴手,以前冇煮飯冇洗衫都發生,所以好明顯我依個徵狀主因唔係出至做家務!!
依個問題每換季就會定期發生...一發起上黎輕微就好似以下圖片咁手拍頭出現細範圍既小水泡,嚴重既每隻手指長滿水泡,好似幾條肥腫既臘腸...好痕好辛苦
次次一生水泡我就會唔抵得頸就擠破d水泡,就咁d水流到邊度邊度又生,仲擠到冇水變成一層皮,好核突,就係因為咁我每次生水泡都要好耐先會復原!!
我睇過好多醫生,都係果句:妳唔好掂洗潔精 . 洗衣粉依類刺激物,最好戴手套,仲有唔好掂咁多洗頭水同沐浴露,依個冇可能啦,唔同沖涼都戴手套咩...
所以而家我已經習慣對手又醜又爛~~佢一發作時我就可以唔駛洗碗,老公會幫我洗(為有用依個安慰自己啦)
而家一隻手仲有水泡階段,一隻已經龜裂等埋口,我的富貴生活繼續過著...
我都仲記得以前妳對手又滑又白又柔軟呢~
回覆刪除[版主回覆05/24/2010 10:16:00]而家冇可能嘞
噢 ! 妳對手真係好靚喎 , 妳唔好再為難她了 , 是必要長戴膠手套了 .
回覆刪除[版主回覆05/24/2010 11:59:00]妳見到既係表面,反面起哂水泡唔再靚...手指又脫皮又龜裂,仲好鬼"鞋"
我好唔鐘意戴套
唉......... 辛苦晒你啦
回覆刪除[版主回覆05/24/2010 12:01:00]都十幾年啦,慣哂...而家係龜裂流血期,希望過幾日會好d啦
妳話隻手現在是龜裂留血期 , 一定很痛了 , 不喜歡戴手套都習慣一下喇 , 我跟妳相反唔戴手套就唔識做嘢 . 戴慣咗連切薄片肉都得0架 .
回覆刪除[版主回覆05/24/2010 14:43:00]係呀,都幾痛下!!今日仲俾鹽"o拿"到我痛到飛起...我會聽妳講戴手套架嘞
為左要保護對手,寧願用手套都唔好(約)待自己啦,如果再唔好好保護,將來可能掂下都會好痛架,小心呀~~
回覆刪除[版主回覆05/24/2010 19:42:00]係呀...我成日煮飯前都話提醒自己用手套,但一落到廚房就忘記哂,到洗手先醒起又冇用手套,所以餐餐都係咁都冇用囉!!唔得嘞,聽日開始一定要用
哇~ 妳手指頭皺哂皮，睇落好嚴重吓喎!
回覆刪除妳買枝L'OCCITANE shea butter handcream 搽吖~ 我聖誕煮大餐果晚不停用熱水洗手，洗到手背甩哂皮，都係搽佢變返滑滑架! 一般用可能會油少少，但妳對手而家咁既情況，搽依隻幾好架!
[版主回覆05/25/2010 18:54:00]L'OCCITANE我未試過,我驚太油對手仲加容易起水泡!!我有買開Jurlique搽,但係我又係成日都唔鬼記得搽!都係我自己攞黎既
而家好D嘞,有戴手套盡量唔掂洗潔精依D刺激既野囉...
咁真係幾論盡，洗碗都話可以戴手套，洗頭有時用到啲洗頭水唔啱都有排痕/出粒粒喎~
回覆刪除有冇試過用娥羅納英呀? 有時我出粒粒我都係用佢~
[版主回覆06/03/2010 13:14:00]咪係囉...所以而家有時記得用手套,有時真係濕左水先醒起就冇用!!
無試過娥羅納英喎...我出粒粒就咁等佢好囉,大概個零兩個禮拜
妳嗰邊有冇得賣娥羅納英? 佢係藥性雪花膏應該有啲幫助~
回覆刪除小心保養你的手啦.....你的手跟我移民去了加拿大的朋友一樣....人在外真的要靠自己了....
回覆刪除[版主回覆06/05/2010 14:07:00]多謝...我會架嘞,所以而家洗碗都會提醒自一定要戴手套