煮咩好呢?緊係我既至愛鹹蛋樹子炒苦瓜
依味係copy至一間我62超鐘意,但我+老公極討厭既重量級味精快炒店!!!點解討厭都要食??事關佢依味我第一次食就愛上左,重味精都要食佢...連皮蛋們既鬼佬daddy都超愛依味餸,外國人都愛,我有乜理由唔愛?真係超超超級好食
但次次食親佢d餸之後我就要飲成兩大瓶水,會多出平時水份攝取量好多,咁樣仲得了咩?!!
所以唯有記低佢d味同材料自己煮,冇味精一樣好好味
苦瓜洗淨切薄片,落滾水中煲軟瀝乾備用
熟鹹蛋兩隻分開蛋白和蛋黃,蛋白切粒備用
準備兩湯匙樹子 . 蒜蓉 . 米酒 . 紅辣椒
1. 燒熱油鑊爆香蒜蓉,落鹹蛋黃炒碎至起泡
2. 加入樹子略炒,贊酒
3. 倒入苦瓜兜勻,再落蛋白粒和少許雞粉快炒,加入辣椒炒勻即成
樹子係唔係果實嚟 ? 咩味道架 ?
回覆刪除香港都好似未見過 (sorry, 其實我聽都未聽過, 失禮)
[版主回覆05/25/2010 08:26:00]應該係果實,佢好硬...不過幾香口!
我喺香港時都冇見過+冇聽過
妳形容得好好味我都想試吓 , 但樹子通常在那裡買的呢 ? 個樣有点似仁稔 .
回覆刪除[版主回覆05/25/2010 15:34:00]唔知仁稔係咩...係咪都係細細粒架?
樹子只係台灣才有呀? 咁...係迷用來調味咋?
回覆刪除[版主回覆05/25/2010 15:38:00]我唔知香港有冇呢 佢係罐頭,應該唔難保存,可以搵下大型超市!!
佢既汁有少少鹹,所有調味都ok!!
咁可能我依度都會有得賣喎!
回覆刪除[版主回覆05/25/2010 18:46:00]維力炸醬麵同埋滷包妳果邊都有,依個應該都會入貨
樹子.......... 香港好似無得賣.............. 不過, 苦瓜我好鍾意食架
回覆刪除[版主回覆05/25/2010 19:50:00]唔知有冇...樓下有扑友話佢好似仁稔,唔知係咪一樣
仁稔個樣真係似樹子 , 而且都是硬硬地 , 酸酸地的 . 我上網查都找不到它的真實樣和資料 , 但找到其他人都說破布子煮餸很好味的 . 可能永安食品部有得買卦 .
回覆刪除[版主回覆05/26/2010 13:38:00]咁妳去搵下究竟佢係咪就係仁稔
係呀...台灣人好鐘意用破布子煮野,不過我都係提味,有食落肚
個樣真係幾似仁稔，不過樹子好似仲細粒過仁稔
回覆刪除[版主回覆06/03/2010 13:10:00]我真係唔舍稔仁係幾大粒 樹子個size就好細粒架咋