魷魚羹米粉(附食譜)

真係食羹食上癮,今次又黎羹...味道完全抄足"台灣花枝羹麵",估唔到真係咁鬼似喎

以前住台中,成日去"台北花枝羹麵"食,而家搬到鄉下住真係要諗諗計,所以以我既記憶老翻佢,老公食過都話正...而且25分鐘都唔駛就攪掂

香菇肉羹湯(附食譜)

繼上次整左個魚翅羹之前,對整湯羹產生興趣,即刻上網搵下台灣既古早味湯羹,見到有好多教做肉羹既食譜,個心郁郁即刻想試...

問題係做肉羹要用魚漿/魚膠,我從來冇買過,更加唔知有冇得賣,聽人講魚檔實有,魚檔老闆好好人話我知魚漿喺賣乜丸物丸檔攤有賣,搵到嘞...原本一直以為好難搵既野(覺得)係好易買到,做肉羹當然要買埋肉啦,我買小里肌(因較嫩)

鹹蛋樹子炒苦瓜(附食譜)

最近街市有青苦瓜賣,好平...3條$NT50,拿拿林買返黎煮!!

煮咩好呢?緊係我既至愛鹹蛋樹子炒苦瓜

依味係copy至一間我62超鐘意,但我+老公極討厭既重量級味精快炒店!!!點解討厭都要食??事關佢依味我第一次食就愛上左,重味精都要食佢...連皮蛋們既鬼佬daddy都超愛依味餸,外國人都愛,我有乜理由唔愛?真係超超超級好食

但次次食親佢d餸之後我就要飲成兩大瓶水,會多出平時水份攝取量好多,咁樣仲得了咩?!!

所以唯有記低佢d味同材料自己煮,冇味精一樣好好味

玉手的背後

以前有人常問: 妳最滿意自己哪個部位?

我會答我是我對手...

以前一直覺得自己對手既皮膚係全身最滑既

炒香茅豬肉片

一直想整,但係我依邊問過哂所有超市都冇得賣香茅!!上禮拜同老公朋友聚餐時俾5我喺"裕毛屋"搵到,真係開心,$NT38一包,即買一包試下!以後知到邊度有得買就唔駛四圍搵嘞

讀書時期成日去食"小巴黎"就係食佢既烤豬/牛凍檬,同埋香茅豬扒飯吸引已經有7-8年冇食佢嘞,佢既味道仲令我好鬼懷念...

小魚乾鳳梨煲苦瓜湯(附食譜)

屋企日日都要飲湯,但我個人好鬼懶,好少燉湯飲,平時多數都係滾湯!!

苦瓜湯係老公至愛,所以一個禮物至少煲兩次苦瓜湯,順便清清熱氣...雖然係滾湯,不過加埋菠蘿啖湯都好甘甜架

紅燒豆腐(附食譜)

我其實好鐘意食麻婆豆腐,但係屋企個它人家唔食辣,就用紅燒黎代替麻婆啦,兩分鐘攪掂,一樣好好味好好送飯!!老少咸宜

國際縫紉藝術生活展2010

喺過去既星期日(5月16日)晚老公朋友請我地聚餐,但中午佢要去飲(我緊係唔去啦,因為佢同事我唔熟,同埋係自宅擺酒,冇冷氣又悶)所以朝早老公先送我去台中新光三越9樓既縫紉展,我係時候要物色衣車,同埋睇下有咩靚布/口金好買!!上到去都幾多人,歐巴桑同年輕女性為主...

見到佢地大部份既布都包裝好,同埋都幾貴,我上網買只係佢地既一半價錢,最後都係行下睇下,都冇買到野!!

魚翅蟹肉羹(附食譜)

今餐真係豪嘞,除左有豉椒炒蟶子(食譜click here) 仲有試煮左個魚翅羹!!

之前返香港買左一包魚翅仔,但係到依家都未開封,因為唔知點整(唔識整又要買,真係傻既)

最近上網搵下有d咩食譜岩用,天氣咁熱唔想燉雞!!最後搵到台灣人辦傳統宴會必食既魚翅羹,就咁一於試下整,出黎都好好味,同出面比緊係我既真材實料啦,魚翅大隻過出面食既

豉椒炒蟶子(附食譜)

見好多網友都食蟶子,我以為自己得個恨字,點知今日俾我喺街市見到,緊係唔執輸買返半斤返黎啦,雖然係急凍貨,但係對我唔係成日食到既歐巴桑黎講已經好好架嘞!

老公之前同我媽咪食飯時媽咪有點過蟶子,佢一食就愛上左

今晚即煮,老公食到lam lam脷,勁讚好食,大半碟俾佢KO左

葡撻(附食譜)

問老公想食葡撻定蛋撻,佢又係諗都唔駛諗就話葡撻,就整10隻過佢地嘆啦...當然我都好鐘意食

上網搵食譜,見到話要加酥油,我即刻去食物材料行搵下有冇,好彩今次冇失望,一搵就搵到

涼拌手撕雞(附食譜)

見屋企仲好茭白荀剩,又想食涼拌,只係食茭白有d單調,一於加埋手撕雞落去整啦!估唔到出黎既味道真係好正

材料 : 雞半隻/1隻, 茭白筍數枝 . 薑數片 . 蔥兩條切段 . 芫茜切段

做法 :

1.先將雞洗淨,用薑粉 . 孜然粉 . 麻油/香油 . 豉油 . 酒和鹽醃最少一小時

2.將薑片和蔥段鋪在醃好的雞上隔水蒸20-25分鐘至雞熟透,取出待略涼撕成雞絲備用

3.茭白筍切絲用鹽醃軟,洗去鹽份澀水份,加入芫茜段和手撕雞肉略拌

4. 將蒸雞時蒸出來的雞汁用鹽 . 糖 . 胡椒粉 . 和香油拌勻試味

5. 再將汁料淋上3)的雞肉中拌勻即成

過貓炒肉絲(附食譜)

今日見到街市既過貓幾靚,即買一扎返黎煮!!台灣有好多菜都好特別,通常都係黎至山上,繼之前既山蘇,過貓同龍蘇菜我都好鐘意食,可能生長喺山區,食落去比普通菜田種既菜好食好多,好鬼爽脆架

合歡山清境遊

琴日Weekend老公要做市調,我又跟佢一齊寓工作於娛樂,今次地點係合歡山,有成兩年幾冇去合歡山啦,去到見到多左好多歐式設計既民宿,之前去冇咁多,而家差唔多成座山都係,間間都不同風格,去到好似自己處身於歐洲,真係好靚呀

碎肉炒金針(附食譜)

新鮮金針唔係成日有得買,可以睇季節...琴日見街市有賣,即刻買返包返黎炒點知拆開袋先睇到有d已經黃黃地嘞(因為佢用綠色袋裝住仲以為好新解)拿拿林炒左佢,不過都幾爽甜

金針洗淨

燒熱油鑊爆香蒜頭

落碎肉炒熟贊酒

再落金針兜勻 . 加入鹽調味上碟即成

涼拌茭白筍(附食譜)

老公個客俾左一大袋茭白筍過佢,叫我地煮黎食,因為佢地有種,話最近茭白筍好鬼貴,就咁屋企多左一大袋!!要諗諗計將佢地消耗d先得

天氣熱熱地,唔想食熱野,就整個涼拌茭白筍啦...

平時口痕當零食都唔錯,好爽口青脆又健康...老公清左大半碟

椰汁砵仔糕

我一直對香港民間小食砵仔糕情有獨鐘,特別以前一到冬天,火車站就會有個賣砵仔糕既阿伯擔住兩大蘿喺度做生意,我一定會幫襯佢買幾隻,好好味架

早排見通少有出砵仔糕食譜,我已經好鬼想整,但係我依邊簡直係百無,搵果樣冇果樣!!就係因為澄粉同馬蹄粉都攪到我發癲

我以為發現依邊有間烘焙材料行就乜都掂啦...好明顯依間野都係唔pro!!!事原我想買澄粉同馬蹄粉,我問老闆有冇馬蹄粉,佢即時話有,佢攞俾我一睇

C囉...果包野大大隻字寫住馬蹄粉(澄粉),點解個攪埋一齊!!我問老闆兩樣粉好似唔同架喎,個C人老闆仲自認好醒咁同我講馬蹄粉即係澄粉!!!佢話唔明點解我話係兩樣野,又話我喺邊聽返黎唔同!!!

最後砵仔糕就唔可以跟通少既食譜整,但俾我上網搵原來好多粉都整到,最後我就搵到個食譜加椰漿,好似好正,今日即刻黎十二隻雙色砵仔糕,好好味呀

又食到一樣香港小食嘞

因為我依邊冇片糖,我就買左包紅糖代替,顏色好鬼深,攪到睇唔到底部既紅豆,不過蒸出黎都好成功...我話明要懷緬架嘛,食既時候緊係要叉住兩枝竹簽啦

香菜(芫茜)豆腐

好鐘意食依味,豆腐同香菜(芫茜)真係好搭,簡單又好味

豆腐洗淨切塊,用廚房紙索乾水份,芫茜洗淨切段

燒熱油鑊落豆腐煎至每面金黃

加入豉油和水至豆腐滾起

落芫茜略炒即可