新焗爐第一彈---雞批

終於有返個焗爐嘞...

以後可以整好多烘焙野唔駛恨其他網友啦...今日終於開光,究竟係邊款咁lucky俾我打響頭炮呢???Da la....就係雞批是也

見Vca既食譜,突然好想整,屋企又有一大堆乜粉麥粉,唔駛點搵材料就可以即刻整,個做法又好簡單(至岩我依個懶人)可能我買既錫紙模size太大定係點,我只係做到7隻...仲有整得唔係咁靚,有幾隻有少少爆爆地,有待改進但味道真係好似香港食開果d

晚飯前老爺第一個食左件,大姑奶又黎一件,都話好食...老公返到黎見到即食,勁讚好味!!!仲有半碗餡料剩,見反映熱烈,聽日再整批皮焗多次

食譜來自朴友V女廚房