豆豉小魚乾炒山蘇

初黎台灣時成日見到街市有賣,但係我未食過唔知一直都冇買黎試!!記得第一次食山蘇係喺太奶奶果邊食餐廳食,嘩...一食就愛上左,就用自己味覺記低,之後耐唔耐見到街市有賣就即買黎炒,真係好好食!!!

不過一包好少,價錢有d貴,以前d人唔知佢係咩,所以冇人會買,但而家好普遍,就咁佢既價錢就係咁升!!!不過鬼叫我鐘意食咩

山蘇洗淨切走中間較硬既莖部(頂部較嫩可以留著)

燒熱油鑊爆香蒜頭 . 豆豉 . 小魚乾

落山蘇炒一會贊酒

加少許雞粉和鹽兜勻上碟即成

小知識:

山蘇產地有台灣.小笠原島.沖繩及中國南方,係大型地生性或著生性蕨類植物,性喜陰溼,生長在海拔2500公尺以下山區潮溼的樹幹、石頭上或腐植土堆積的地面,嫩芽先端捲曲，質地柔滑嫩脆,山蘇的蛋白質、脂肪、碳水化合物含量跟一般蔬菜差不多，粗纖維含量則略勝葉菜一籌,粗纖維能刺激腸胃蠕動,幫助排便,但對腸胃脆弱的人,比較不易消化...