北部半日遊

上星期日送完皮蛋機,去到北部既指定動作,去桃園IKEA嘆個超值早餐(NT$39),因為抵,所以每朝都會有好多人,試過閒日去,一樣迫滿人!!!

既然去到IKEA,冇奶油只係食早餐就走架,點都要帶d野走既,依個可能係點解IKEA早餐咁平既原因,去食個早餐外帶一d產品(shopping),點計佢地都係有賺

是日戰利品唔多...第一時間去睇刀叉組,因為屋企個62唔食牛,基本上係冇乜點整扒,所以刀叉完全係唔齊全既,係時候要買返套,見佢設計簡單,就帶佢返黎!一組24件,NT$900有找,ok抵...唔知好唔好用,搵日開火睇下先

見網友Vca之前買左個蔬菜脫水器,當時已經好有興趣,俾我喺IKEA見到又平(NT$139)即買個返黎用,唔錯,以前洗菜/整沙律唔駛攪到一攤水嘞

老公見到好鬼鐘意,話俾我既微波爐用餐盤,叮野時唔駛保鮮紙,蓋上去又唔駛驚噴,環保又好用,好介紹

仲有就係玻璃碗同漏斗,唔明點解要買漏斗,因為平嗎

行完IKEA都係10點,緊係冇咁快返歸啦...老公朋友俾左兩張港式飲茶吃到飽(任食)既招待券過我地,係台灣信義區,我見到緊係發哂光啦,咁耐冇飲茶,係時候要擦餐勁架嘞...

打電話去訂位竟然full哂,話要現在等位喎,去到等位佢地話大概要點零鐘先有,我地去左電腦展睇野,老公想睇電腦,最後佢冇買到野,反而我就買左支相機架...

返返去有位嘞,一坐低侍應哥仔上左一咋點心過我地,仲要左兩碗灌湯餃,三兩下俾我地兩個餓鬼清哂

第二輪仲多,老公咩都要試,我已經開始有d飽飽地,第二個round已經食剩好多野!!

依間野d食物都唔錯(可能係因為我耐冇食),但老公都好滿意,唯一不足就係佢地竟然冇老公至愛既腸粉

最後帶著心理同生理滿足下我地捱住眼訓揸3個鐘頭車返歸嘞