裝口(可)愛髮飾

最近各大雜誌都介紹今年流行頭飾,當中蝴蝶結就係今年必備,我幾經辛苦將頭髮流長終於可以大派用場嘞裝裝口愛

依個一定要介紹既,好多地方都賣到斷貨,依幾舊咁既野就係用黎翹髻用既,只要將所有頭髮塞哂去依舊黑色窿窿度捲埋就變成圖中咁樣,唔駛再自己整到手軟都整唔到,所以我買左唔同質地,細果兩個係膠質,捲上去有勾可以固定,大舊果隻裡面應該係軟鐵,直接禁緊就得,個人鐘意大舊既多D,一分錢一分貨,細個兩隻NT$39,大既一隻就要NT$99,緊係好用D啦~~

翹髻當然唔少得大大蝴蝶結同花花啦,好抵,翹髻之後直接太上去就得嘞,簡單又可以好靚,我都買左兩隻,各NT$45...遲D再買多幾隻唔同款

依個舊年買既,又係蝴蝶至,比較成熟少少,但我都好鐘意,就咁夾住,佢既設計兩面都可以見到蝴蝶結,我覺得好靚

之前買既頭(cool),依個係緞面感覺幾高貴,適合比較正式既場合,我都而家都冇用過佢...同埋因為佢冇齒帶上去一D都唔會整到頭皮痛哂

仲有U型夾,小曼老師極力推薦,用途同普通發夾一樣係固定頭髮,佢有個好處就係夾頭髮唔駛下下用牙咬開,直接捲一下插落去就得,好用

最後一個閃鑽髮夾,大姑奶送,因為靚就影一影

依個夏天實行懶可愛