久違既台中半日遊

好耐冇去台中行街嘞,一來冇車揸,二來老公又要返工,就算平時weekend老公得行都唔想去,因為佢公司喺台中(佢話唔想weekend都要去返工既地方喎)就咁我都冇得去

我最近真係凍未條嘞,今個weekend一定要去,事關我睇中左Vivienne Westwood x Melissa-Zen Girl既涼鞋好耐,所以決定要去買,就係我既堅持迫到老公屈服...點知去到Westwood見唔到我想要果款,得高踭,我要平底呀!!唯有上網買啦...

一場去到勤美,順便落去地下39元店買圓紙盒,因為答應左朋友要做個不織布蛋糕盒俾佢,到而家已經大半年嘞,推左咁耐係時候要做,又係冇(今日真係唔係我既shopping day)買唔到我心目中plan好要買野,反而買左一d我搵左好耐都搵唔到既野!!

玻璃樽我依邊竟然搵唔到,我要用黎整鹹鴨蛋,但一直搵唔到玻璃而家係用膠樽醃...不過依個樽又幾靚,我諗我都係唔捨得用黎醃鹹蛋,買返黎睇下有咩用途先

膠cooking brush,因為屋企個毛掃好難洗,好似會藏好多污糟野,用幾次就要換新既,希望依個膠掃會好用啦...想搵好耐,之前喺Muji見到太貴,同埋個掃好粗所以冇買到,依個好幼岩哂

仲有牛油紙同膠劇...依兩野冇他既,見到有咪買囉!!

lunch去左我地台中屋企附近既忠美街一間韓國餐廳食,依間野我以前喺台中返工時差唔多一個禮拜都去食4日,餐廳老闆兼廚師係韓國人,老闆娘係越南人,老闆娘次次見我去幫襯都會醒多碟小菜俾我

間餐廳既設備同韓國既平民餐廳好似,d食物都幾正宗...次次lunch同晚飯時間都會好鬼多人,同埋價錢都好平,一個鍋NT$100,好抵食...耐冇去,佢地既食物依然好味

依個豆芽菜豆腐湯好好飲,任裝架...每次去必飲

小菜好好送飯,超好食,不過太細碟嘞,成日唔夠我食

老公食拌拌飯

我既石鍋烤牛肉+白飯...佢地辣粉魷魚 . 辣炒年糕同泡菜煎餅都好好食,可惜我唔可以食辣,冇點!!

食飽飽返歸