最岩俾我整個楊枝甘露啦,拿拿淋去買兩隻大芒果返黎郁手...足料,又冰冰涼涼,最岩喺冷氣底下享受佢嘞!!正
材料: 西米100g . 芒果2隻 . 西柚半隻/甜柚1隻 . 花奶1小罐 . 砂糖適量 . 水8碗
1. 先將4碗水煮滾,加入西米至水再滾熄火蓋上蓋焗15分鐘至西米熟透,過冷河備用
2. 再煮滾剩餘4碗水,加入砂糖(份量隨個人喜好)煮溶熄火待涼
3. 芒果1隻起肉切粒備用,另一隻起肉用攪拌機打成芒果泥,西柚/甜柚起肉備用
4. 將芒果肉 . 芒果汁 .柚肉 . 花奶一同倒入已涼的糖水撈勻,放入雪櫃雪至少3小時即可食用
係熱辣辣的天氣下最好就係開住冷氣食冰凍的甜品，真係一流啊﹗
回覆刪除你個楊枝甘露整得好靚，又多料啊﹗剩係睇已經覺得佢好味道。
[版主回覆07/09/2010 17:54:00]多謝妳...冇得食"許X山"食唯有自己整囉!!真係好多料,我買既芒果好大隻!!
嘩 !!! 好多粒粒芒果肉呀 ^^ 留多一碗比我 ~~ k
回覆刪除[版主回覆07/09/2010 21:54:00]收到...留碗多芒果肉俾妳
留番一碗俾我啦
回覆刪除我尋日好慘呀, 陪d客去海洋公園, 由10:30am到05:30pm, 曬到我死
流汗流足一日無停過 ......
[版主回覆07/10/2010 10:33:00]俾妳碗至凍既,等妳冰一冰
好靚~ 不過甜品唔洗預我! (尤其係凍既......)
回覆刪除[版主回覆07/10/2010 19:51:00]知妳唔好甜 . 冰野同水果,所以唔預妳嘞