今日終於動手整瑞士捲,但只可以做到mini版...因為個焗爐size問題,之前買左個比較大既烤盆,點知返到屋企差0.2cm就係擺唔落,頂...
最後攞返去換囉...唔係嘛,一細size細左好多,算啦,唔整瑞士都可以用黎焗其他野嘛!!
但最終換左依個細兜返黎開光始終都係做瑞士捲!!!
睇哂扑友食譜,又上youtube搵,想睇下有咩方法可以唔甩皮,最後就照住網上教既係牛油紙上掃上一層牛油,咁樣個皮就唔會甩(如圖)...嘩!竟然俾我一次就成功左
上面我果條最尾有缺陷係因為我捲得唔好,太大力扯甩既,並唔係牛油紙問題!!
其實個蛋糕係好食架,但係太細塊,又唔好捲,揸d cream又揸太多攪到擠哂出黎...蛋糕可能份量太多嘞,下次再減咁d再整過...
111111111111111111111!
回覆刪除衰鬼~ 我啱啱去完超市買材料，唸住一陣整呀! 因為早幾日妳地喺我個貝殼蛋糕度提過卷蛋嘛!
第一次捲得幾好喎! 不過依個搽牛油既方法咁搞笑既......咁個面咪油淋淋囉?
我去開工嘞!
[版主回覆06/25/2010 19:41:00]哈哈...好彩我地去提下妳姐,如果唔係都唔知妳幾時先醒起!!
有少少油架,個面就會令令地,但唔會油淋淋既...yeah,等妳既食譜!!我過兩日照妳既整
好靚呀, 第一次都卷得咁靚, 好叻呀 ~~
回覆刪除十個讚
我呢就未試過 .... 好驚驚呢 ....
[版主回覆06/26/2010 12:54:00]我都驚左個幾月,一直都唔敢動工...我捲得其實唔靚,因為太細塊嘞,捲到d cream唧哂出黎!!
而家就唔驚甩皮啦,用牛油果個方法係work架,不過會油d d囉...妳又黎捲下啦
正呀 ! 妳一次就成功真係羡慕啦 .
回覆刪除[版主回覆06/26/2010 12:55:00]只係唔甩皮成功少少,其實捲得唔好,d cream都唧哂出黎架
第一次..有模有樣呀........ 我喜歡多d cream
回覆刪除[版主回覆06/29/2010 13:54:00]哈哈...依個岩哂妳啦,細隻+cream多
搵日我又試吓先.
回覆刪除[版主回覆06/30/2010 10:06:00]試下啦