蒼蠅頭

好耐冇食蒼蠅頭,前兩日去街市見韮菜花新鮮,就買返黎煮,送飯真係一流

材料: 韮菜花(切粒) . 碎肉 . 豆豉 . 蒜蓉 . 辣椒碎少許

燒熱鑊爆香蒜蓉和豆豉

加入碎肉粉熟贊酒

再落豉油 . 糖 . 胡椒粉

最後加入韮菜花和辣椒碎兜勻即成

p.s. 蒼蠅頭的由來是因為豆豉的樣子似蒼蠅,所以就叫蒼蠅頭

裝口(可)愛髮飾

最近各大雜誌都介紹今年流行頭飾,當中蝴蝶結就係今年必備,我幾經辛苦將頭髮流長終於可以大派用場嘞裝裝口愛

燻蹄

見到好多網友做,覺得唔難,只係花時間去燻,所以自己又學下人整囉...

其實上個月有做過一次架嘞,但係上次做左出黎都影唔切相就你一塊我一塊咁食到有缺憾,唯有今次影黎交功課啦

做法係結合兩位扑友既食譜

火腿粟米包

自從前幾日整pizza失敗之後,一直都唔敢再整,唯有整我一直好想食既火腿粟米包啦

記得以前讀中學時,朝早必定經過火車站,我成日都會買東海堂裡面既火腿粟米包配維他奶做早餐,真係好好味,今次整黎等我懷念下以前既味道...點知六隻被62食鬼左三隻,得返三隻我同老公share咋,唔多夠喉,過兩日再整過

表面有d過燶既感覺,好彩都好好食

沒有醜女人,只有懶女人

實在太誇張嘞...

依兩個星期"鑽石夜總會"新出左個單元,請兩個素顏女仔上去show俾觀眾睇佢地化妝同化前後既大改變...佢地既化妝技術可以仲勁過整容

節目一出已經成為眾人既討論話題

不過意見男女有別...

女仔就好開心可以化妝將自己變返靚

男仔就開始懷疑自己女朋友其實係咪用化左妝塊面呃鬼左佢地

對我黎講可以學下佢地既化妝技巧真係唔錯,有好多係佢地研究出黎,真係好勁

滷雞肝

前兩日摷雪櫃俾我發現兩包雞肝,又要攞出黎整嘞,今次黎個滷水,比炒既好食好多,起碼唔會乾爭爭

準備滷汁:豉油 . 水 . 原粒蒜頭數粒

煮熬滷汁落雞肝煮滾

轉小火煮15-20分鐘熄火燜至微涼

取出切細塊,灑上蔥花

淋上香油/麻油和滷水汁即成

大甲媽祖遶境2010

一年一度世界級的三大宗教盛事既大甲媽祖遶境又開始嘞,信眾喺4月16日晚11點開始由起點地台中大甲,為期9日既遶境進香活動,目的地係嘉義新港既媽祖廟!!!往年媽祖遶境只有8日,因為今年參加既信眾人數激增(大約70萬),所以今年安排多1日俾信眾一睹媽祖既風采,感念媽祖的庇祐...

沿途進香信眾會到不同既媽祖廟住宿及休息,琴晚進香團已進入我地依邊,但會喺回程時(下星期四)先會入住我依邊(北斗)既媽祖廟...

今朝開始已有好多人準備拜祭物品(我冇準備,因為我唔識,所以有心就夠)我屋企出面馬路係遶境路線,鄰居個個好早就準備迎接媽祖,中午我同老公又去湊熱鬧,鄰居見到我地踩單車到即叫我地一齊等,等咩呢???

 等躦媽祖既轎底(依個係民間習俗,鑽媽祖轎底寓意得到媽祖既庇佑)我本想叫老公負責鑽,我就拍低,到最後我都去鑽埋一份,誠心許願

所以最後都拍唔到鑽轎底既情況,等媽祖回程再睇下拍唔拍到先

我黎左台灣4年幾,都未試過好似今日咁,特別係能夠順利鑽到媽祖轎底,感覺好好...雖然我冇特別既宗教信仰,個人都幾鐘意依種民間活動,其實依類型活動一直能夠流傳落黎真係唔容易,而且參與既人更有年輕既吹勢,可以反映台灣真係非常自由(依點值得讚)...如果俾著大陸,可能一早俾佢地冠以一個邪教既名字...希望台灣可以一直自由民主落去!!!

北部半日遊

上星期日送完皮蛋機,去到北部既指定動作,去桃園IKEA嘆個超值早餐(NT$39),因為抵,所以每朝都會有好多人,試過閒日去,一樣迫滿人!!!

既然去到IKEA,冇奶油只係食早餐就走架,點都要帶d野走既,依個可能係點解IKEA早餐咁平既原因,去食個早餐外帶一d產品(shopping),點計佢地都係有賺

皮蛋回家了

琴日皮蛋們結束3星期Easter Holiday返英國嘞

入閘前開心一影,僅僅兩分鐘

第二波包包~For my小呆瓜

終於完成第二個袋仔嘞....

事原前晚做完大皮蛋Nicole後,細皮蛋James就喊住(累)我即刻做一個俾佢

James : Where's mine???舅媽...I want the bag!!

我 : 舅媽's fingers got hurt...can I make you 1 tomorrow? cause舅媽needs to find out the right shape! Nicole's style isnt suit you Baby...I promise OK?!

我緊係唔會做口金俾佢啦,到時俾同學仔笑咪閉...我唔制架

做起左袋形皮蛋又話個袋太大,要同Nicole一樣細既,我就話如果唔要依個就冇袋攞返英國嘞,因為舅媽唔夠時間做...佢勉強話要!!

下晝就出去睇下有冇咩繩岩用啦,因為塊布唔夠長整條(咩)帶,同埋整帶太難嘞,防水布真係好難縫...行勻一間拼布店同兩間書都搵唔岩心水,一係冇一係太長!!最後俾我係飾物店搵到類似星星圖案既鞋帶,就用佢啦

仲整埋doggy同小bones過佢,額外醒多隻Sponge Bob,完成佢即刻勁愛,又話唔要我送俾人,即刻兩隻皮蛋阿花上身,Nicole又掛之前喺逢甲夜市買俾佢既公仔,仲即時又對我又攬又錫

緊係黎張袋仔大合照啦...Cheers

第一口金for my Princess

依個其實唔係我第一個口金,(之前做過兩次唔靚所以唔post)但就係我第一個較為似樣既,佢足足令我既手指痛到而家,不過我都幾滿意依個製成品!!!

新焗爐第一彈---雞批

終於有返個焗爐嘞...

以後可以整好多烘焙野唔駛恨其他網友啦...今日終於開光,究竟係邊款咁lucky俾我打響頭炮呢???Da la....就係雞批是也