慶過火屎~~俾台灣政府玩死

我上星期係香港寄左一箱海味臘/膶腸返黎台灣,因為我係空運,郵差話一個星期就會到!我就等啦,同時日日上網check我箱包裹既進度,佢早係1月7日已經到左台灣(我1月4日寄)之後再冇下一步進展,我已心知不妙喇,一直都好鬼擔心

琴日終於收到郵局寄黎一個信封仔,我以為係叫我去郵局領取包裹,果一刻真係有閃過開心,當我拆開信一腸,就見到依張宣傳單張,我就知(賴)左嘢

見到張嘢我都唔多開心,最最最激氣就係另外佢地動植物檢疫訖俾我既依張嘢,話喺我個包裹入面發現香腸(係臘/膶腸),俾你地抽出黎都唔緊要,但點解要話香港係口蹄疫發生地區,香港幾時有發生呀?就算有發生過都係咸豐年既事啦!!頂呀....唔俾入境都唔駛咁樣講呀?!

佢仲話咩俾兩個choice我揀:

1. 叫我帶身分證去辦理部分退運和領取冇問題物品...仲要本人自備紙箱 . 包裝好同埋郵資寄回香港(唔可以銷毀嗎?)

2. 唔鬼去領撥個輪俾佢地全部退回寄出國(香港)

不過我唔會同我d海味過唔去既,我會選擇1)咁d腸我唯有寄返去香港囉

所以話我已經幾年冇食臘/膶腸喇,咁都唔俾我過下口癮,驚死我會傳播d菌俾佢地咁,真係攪到我冇啖好食