冬天一黎,我就好鐘意走去7仔黎返碗關東煮,對上一次食係舊年喇,最近睇廣告,7仔既關東煮換左新包裝,入面又加左好多講明係for怕肥既人低卡關東煮(不過我唔會理,我只係會食自己鐘意既,理鬼佢高卡定低卡咩)仲有最吸引我既就係佢地有做特性,任揀4款都係$39新台幣,抵食
依兩日天氣凍到呢,拿拿聲走去黎返碗勁既,滿足哂
食關東煮緊係加埋個湯底啦,佢用鰹魚淆既湯真係好鮮甜
老公次次都要我夾既黑輪條,不過又真係好鬼好味
再加串龍蝦棒~~~~正!!!
其他既仲有我既最愛丸子啦,有新竹貢丸和花枝(墨魚)丸等...仲有佢既白玉蘿蔔真好好鬼入味
食完真係成個人暖哂滿足哂,聽日再黎一碗
咁細碗......一碗夠唔夠食架?
回覆刪除[版主回覆01/15/2010 09:09:00]緊係唔夠啦...依d火鍋料我食得好多架!所以我口痕就會去食返碗,不過大前日係最後一日做特價,而家變返每樣$10/$15新台幣,有d貴
幾蚊雞港紙一舊都話貴???
回覆刪除[版主回覆01/17/2010 00:15:00]以台灣(中南部)黎講算貴喇
好好味咁喎 可惜香港7仔冇
回覆刪除[版主回覆01/18/2010 17:49:00]係呀...香港7仔地方細,邊整到咁多嘢!依邊7仔除左食,文具 . 化妝品 . 日常用品都有得賣,仲有埋cash machine同toilet,真係好貴方便!