手打肉丸粥

由細到大一放假媽咪就會帶我地返佢大陸東莞,次次返去都地例必食嗰邊最出名嘅肉丸粥 . (微)豆糕+茅根粥同豬肉腸粉,不過依幾年都冇返過媽咪鄉下,加上最近同大陸一個表妹msn,我又開始懷念媽咪家鄉小食嘞

表妹叫我返大陸可以叫我二姨日日買俾我食,但我實在忍唔到,俾佢挑起左我條癮,即刻上網搵下有冇食譜啦,點知係冇架!唯有搵台灣既花枝丸食譜,再用豬肉代替,嘩...出黎效果真係接近以前食開嘅味道,只係我手打得唔夠耐,唔夠人地既彈牙,下次一定打耐d

滷味

好耐冇食滷味,之前成日滷肉,依幾日追連續劇又講滷味,今日一於去買d豆乾同海帶返黎滷啦

前幾日去街市買左四舊豬肉(我唔知係邊個部位),賣肉嘅歐巴桑同我講依四舊就咁滷就好好味,佢地就係我之前喺出面麵檔食到好Q又唔知叫咩名嘅肉,滷出黎真係好好食,同出面口感冇分別

台灣人真係好鐘意食豆乾,而且豆乾最有好多種,有d又有size分,不過我黎黎去去都係買果一兩種,因為味道滷出黎真係差唔多~

今次再加埋海帶,滷左一大煲,聽日可以配賴粉做lunch...就唔駛諗煮咩好嘞

鐘意飲兩杯嘅又可以當小菜,真係一流

米粉湯

買到嘞....

特別鳴謝兩位格友Vca同Mami介紹,今次返香港買到我恨左好鬼耐嘅賴粉,因為行李關係,是次只能買5包...返到黎即刻食左一包,冇錯,係我一個人食哂一大包,好滿足

麵豉蒸豬肉

好耐冇成麵豉蒸豬肉嘞,屋企又冇中式麵豉醬,不過俾我發現原來之前買落嘅韓國麵醬好近似,就用佢黎整啦,出黎都好好味好好送飯喎

里肌肉切片,加肉蒜蓉 . 麵豉醬(我用韓式麵醬代替) . 生抽 . 老抽和糖拌勻蒸熟灑上蔥花即成

慶過火屎~~俾台灣政府玩死

我上星期係香港寄左一箱海味臘/膶腸返黎台灣,因為我係空運,郵差話一個星期就會到!我就等啦,同時日日上網check我箱包裹既進度,佢早係1月7日已經到左台灣(我1月4日寄)之後再冇下一步進展,我已心知不妙喇,一直都好鬼擔心

琴日終於收到郵局寄黎一個信封仔,我以為係叫我去郵局領取包裹,果一刻真係有閃過開心,當我拆開信一腸,就見到依張宣傳單張,我就知(賴)左嘢

見到張嘢我都唔多開心,最最最激氣就係另外佢地動植物檢疫訖俾我既依張嘢,話喺我個包裹入面發現香腸(係臘/膶腸),俾你地抽出黎都唔緊要,但點解要話香港係口蹄疫發生地區,香港幾時有發生呀?就算有發生過都係咸豐年既事啦!!頂呀....唔俾入境都唔駛咁樣講呀?!

佢仲話咩俾兩個choice我揀:

1. 叫我帶身分證去辦理部分退運和領取冇問題物品...仲要本人自備紙箱 . 包裝好同埋郵資寄回香港(唔可以銷毀嗎?)

2. 唔鬼去領撥個輪俾佢地全部退回寄出國(香港)

不過我唔會同我d海味過唔去既,我會選擇1)咁d腸我唯有寄返去香港囉

所以話我已經幾年冇食臘/膶腸喇,咁都唔俾我過下口癮,驚死我會傳播d菌俾佢地咁,真係攪到我冇啖好食

7-11和風關東煮

冬天一黎,我就好鐘意走去7仔黎返碗關東煮,對上一次食係舊年喇,最近睇廣告,7仔既關東煮換左新包裝,入面又加左好多講明係for怕肥既人低卡關東煮(不過我唔會理,我只係會食自己鐘意既,理鬼佢高卡定低卡咩)仲有最吸引我既就係佢地有做特性,任揀4款都係$39新台幣,抵食

豆豉肉餅

依個又係媽咪家鄉餸,我同細佬由細食到大,屋企整得最最最好味既就係我三姨,每次同細佬去佢屋企,佢完全唔駛問我地想食乜餸就知道,單係煮依味就可以滿足我地,真係好好餸

嫁左黎台灣之前,耐唔耐我就會自己整黎食,難得老公同老爺都鐘意,但係始終冇三姨既好味

豆豉和蒜頭一起啄碎

倒入碎肉中,豉油 . 蠔油 . 糖 . 胡椒粉和生粉一起拌勻蒸熟即成

香港8天遊

上個禮拜因為屋企有d事我要返去處理,而老公冇跟我返去,佢要留返係台灣back up我,真係好感動

好彩最後都解決左,結果又係我地預期之內

既然返到去,一落機就緊係打電話約朋友出黎見面啦,因為我事先冇話佢地知我返去,而且今次返去唔係我預備既行程,所以老友記們聽我把聲好驚喜

我地差唔多四年冇見喇,見返大家真係好開心,最高興既就係大家都冇變,兩對情侶依然恩愛

返到去最開心就緊係食我好耐冇食既野啦,即係除夕黎個BBQ食我既至愛雞肉腸

蛋糕係老友記為我預祝生日

最後要多謝佢地,因為返港頭幾日心情有d唔係好開心,好彩有佢地既陪伴,不然我又會胡思亂想,雖然事情能完滿結束,亦都可以俾我依個機會同佢地聚下,開心

期待你地3月的到來....