入好野

早兩個星期計劃左剛過去星期六約埋台中一班姊妹去探另一個姊妹同佢既初生BB,點知上星期老公先話我知佢星期六要去日月潭做野,所以臨時被迫取消個meeting(只係我去唔到,其他人應該玩得幾開心)咁就造就左我多左個shopping Saturday嘞

是日最主要係去埔里酒廠買酒...後解~~

因為老公朝早要先去台中返工,咁我就去39元店睇下有咩野岩洗,入d貨先...我最想就係搵ramekins黎整creame brulee,但係唔知台中邊度有烘焙野賣(因為我唔識路)喺39元店又搵唔到岩心水既,但就買左一大咋烘焙小物,上面個兩個茶碗蒸碗應該勉強可以當作ramekins啩,總好過用普通碗黎整一於用佢地試下整啦~~

買完野都中午嘞,老公岩岩好放工就去車埋佢直接入南投,因為我地要去日月潭,會途經埔里,是日我既主要目的-->埔里酒廠入面有售既玫瑰露酒,話說上星期我買左隻鴨,上網搵blog友既食譜,佢地都有用玫瑰露酒,其實早喺舊年返香港我就想買枝返黎架嘞,拔...佢地都係玻璃瓶裝,最後都係冇買到,諗住台灣大型supermarket會有,C囉...一直都搵唔到!!所以上星期既燒鴨我係用其他酒代替既

上YAHOO知識問,一問之下好多人都話台灣酒廠會有售,仲唔嗱嗱聲去搵咩...真係俾我搵到佢嘞,嘩...駛唔駛包裝得貢鬼高級呀??仲要改埋個浪漫C人既名佢地唔知我買返用黎整燒臘架咋咁佢地係set好禮盒,冇散枝賣,即時帶左佢返黎,以後唔駛想搵又搵唔到嘞

酒廠除左賣酒,仲有好多用酒製造既附加食品,紹興鴨賞~~其實鴨賞最出名係宜蘭,既然去唔到宜蘭買,依隻整到同宜蘭差唔多,幾好味...

之前有人送過我地依隻紅麴沙琪瑪(馬仔)覺得好好食,出面supermarket竟然冇得賣,只有賣紅麴餅乾,入到去緊係買返箱啦,實在好食...

仲有麥牙餅乾(依個我麻麻)三枝老公+62食,我冇食到!!仲有貢糖同酥糖,都係62鐘意食既,我好似冇乜掂過

買到心頭好真開心