墾丁-->夏都

一年一度既墾丁之旅又來喇,從我第一次去墾丁既時候就被佢吸引住喇,我+老公勁愛依個地方,所以決定每年4-5月一定要去一次!老公已在4月就開始訂hotel喇,在我們的選擇有兩間,一間係夏都,一間係凱撒,依兩間係墾丁最好既hotel,而且一到4,5就開始冇位,所以要住佢地既房就必須提早訂,最後因為凱撒的房冇乜view,老公就決定住夏都...夏都有咩咁巴閉?除左佢有一個私人沙灘外,去年大賣既電影"海角七號"就係o係夏都拍架喇,又真係難怪咁受歡迎,夏都有分幾個館,真係好大....老公訂房既時候已經冇1大床喇,只有兩張細床,所以我地就想去到hoel再同櫃台要求,當日我+老公6:00就出發,到達墾丁已經10:00,我們食左個M記breakfast之後就去hotel check in,老公第一時間同櫃台小組講我地想要1大床...因為提早到,check in時間係12:00,而且住在夏都既人係唔會咁早check out既,咁正既hotel唔到最後一刻都唔捨得走!最後我地由10:30等到12:30,岩岩我地食完lunch hotel就打電話俾老公話可以攞key了,我地返返去lobby,櫃台小姐就同老公講: 林先生,你的房間會有點大喔,希望你入住愉快...我地跟住個行李員去到房打開門,嘩....我的媽呀!這也太大了吧,由兩細床變左1大床+兩細床,由$3999既普通房upgrade到$6999既家庭房,也太爽了吧所以早到係著數好多...

        

                                              

        

           

在等房前我圩已去hotel後面既沙灘走左轉,個沙灘好靚呀,我地迫不及待除鞋走入沙灘,點知d沙慶過火屎,我+老公對腳差d俾d沙燴熟.....我+老公以9秒9(其實超過)既速度飛奔去倘椅度,真係佩服d人點可以o係o個個時候游水,我地只係吹吹海風都不知幾舒服,如果同d人癲,我肯定變賓賓...我地選o係4-5點去游!我一d都唔擔心我唔識游水,因為hotel規定每人落水前一家要套上個浮板,對於我依d唔識游水又想玩水既人岩晒....身材有d肥,大家睇到我著bikini覺得唔舒服請見諒

         

本來諗第二日起身食完早餐再去游個水先check out,點知天氣唔係咁好,海浪有d大,我地就食個早餐再去散步算啦!我地好好期待個breakfast有咩好食,都ok多選擇啦,我+老公兩個為食鬼攞左4大碟野食,不過最後都係食唔晒....誇張既係隔離台既一對情侶攞左8大碟,係我地一個dou,仲要食到好鬼乾淨先得人驚,我都好想好似佢地咁,因為食多先唔會蝕,真係甘拜下風

       

因為要趕返屋企準備過端午節,所以就咁就渡過一個短暫又愉快的旅行.....

依兩日一夜既墾丁之旅真係好開心,為一有一段小插曲發生,就係o個日出發去墾丁,我驚自己會中途搵廁所,所以唔敢飲太多水,點知到左夜晚玩完水返黎就出事呀,我尿尿勁痛,又尿唔多,但係我係好急,即時去town睇醫生,醫院既秘尿科冇開診,我就睇婦產科,點知一等又等左我兩粒鐘,我難受到死,個肚急到快要爆喇,我唔敢去咁多次toilet,驚到時醫生要我驗尿冇尿俾佢,好采最後都尿到,醫生話我膀胱炎,問我係咪忍尿又飲太少水(中晒),攪到依幾日都要食消藥渡過....奉勸所有女生,夏天一定要多飲水同埋唔好忍尿,如果唔係真係好痛苦...