好多朋友都黎過台灣但都未食過鹽酥雞,前日口痕就買$100返黎食啦,鹽酥雞係我食過台灣小食中最好味,因為我好鐘意九層塔既味道,炸出黎真係好香
因為台灣實在太多地方賣鹽酥雞,同一個夜市都有不下10間,要搵好食既真係好難!偏偏我依邊有兩間真係我食過最好味既,一間叫"龍",同另一間叫做"台灣第一家"既攤檔,o係我依邊依兩間日日都大排長龍,因為依兩間特別好味既原因係佢地除左有拍定既九層塔之外,仲加左蒜頭,而"龍"仲加埋洋蔥,同埋唔似有些店將d雞肉炸到又乾又硬,佢地炸到岩岩好,外面酥脆入面又軟又唔會乾,真係好食到爆!!!而"台灣第一家"係連鎖店,相信好多地方都搵到,大家如到台灣可以搵黎試下,我個人特別推薦
其真鹽酥雞攤檔仲有其他食可選擇,但我個人只係鐘意食佢d雞,yummy yummy...因為前日"龍"冇開,今日再去買黎食下先
啲口水已經開始失禁啦﹗
回覆刪除[版主回覆05/15/2009 14:49:00]我都係呀...流晒口水
唔該影張蚵仔煎來望梅止渴吖!
回覆刪除[版主回覆05/15/2009 18:25:00]hahaha....我依邊d蚵仔煎唔好食,下次去鹿港食既時候補返數!有好多人都唔食蚵仔,估唔到你都岩,不愧係食家呀
哈哈~~ 我間中會自己煎蠔仔蛋架!
回覆刪除[版主回覆05/16/2009 12:15:00]咁你加d生菜,牙菜&九層塔咪變左蚵仔煎囉
下次去台灣，我一定要試下:D
回覆刪除[版主回覆05/21/2009 23:49:00]係呀,你一定要食依個,勁好味!