琴日補完習返到屋企,突然醒起要留意收包裹,因為平時大多數收件既人係62,我就睇下客廳有冇啦...終於收到嘞!!來自英國網友阿V(成日都好鬼happy既Mrs.T)寄黎既大大包裹!!
好多好野呀!!依咋正野喺台灣搵唔到既,阿V妳真係知我心姐
嘩...好多醬呀
真係好好鐘意食東南亞野,依度可以俾我慢慢嘆
嘩嘩...一直未用過OK汁,又唔知係咩黎,上問V,佢就即時醒枝過我,要睇返佢OK汁食譜先識煮嘞
嘩嘩嘩...久違既Nando's竟然會出現係我台灣屋企,真係估妳唔到喎...乜Nando's有賣辣椒粉架咩??依隻完完全全止到我咁多年既渴雞症!!
依隻又係睇到阿V既blog介紹既得意實用野,依隻Egg Timer真係好work,今日滷蛋即時拆黎用,嘩...唔駛下下check住d蛋幾時熟,見到佢變色就剝殼,隻隻都係零瑕疵,好好用呀
仲有花花小盆栽,依個花灑仔好得意呀,細細隻...62即時攞左去種,希望佢快d長大啦
hand cream~~保護我依對超敏感既手,好香呀
靘靚髮圈兩隻
話說琴日第一時間打開左枝OK汁時,咦?點解枝OK汁咁高貴既??打埋煲呔喺頸度,再睇真d
原來係髮圈...另外珠珠髮圈就套喺hand cream度,好明顯妳係有襯過色喎
阿V~~再一次多謝妳咁多正野,由食到skin care再到扮靚靚,我成個人都係妳照顧到...我老公同62有口福嘞
唔洗客氣~ 希望妳啱用 + 啱食啦!
回覆刪除果隻Nando's 醃雞粉係新出架! 我自己都買咗但仲未試~ 妳止住癮先啦!
幸運草搵唔到咯~ 所以整盆花仔頂檔! (話時話果罐死人幸運草搵笨 - 個罐話明四葉，但種出來全部三葉!!!! )
咦......我啱啱睇妳張相先發現........原來青色果2包香茅醬係唔同架! 一包係炒飯既!!! 我真係啱啱先睇到! 我以為2包都係醃肉既呢!
[版主回覆09/17/2010 19:15:00]真係知我心架姐,我以前依都係medium hot half chicken...何只止癮呀,直頭過足癮啦,我一拆開兩眼發光既樣妳見唔到咋
個花花都好靚呀,特別個mini花灑,好cute~~好似好難種得出四葉草架,要突變先會有,所以妳果罐係正常既
兩包係唔同架...咁咪益我囉,可以試多種口味
又唔係喎~ 我之前果次去羅馬渡蜜月時買咗2棵迷你幸運四葉草，2棵都種得出塊塊四葉喎! 今次果罐唔正常至真!!
回覆刪除[版主回覆09/17/2010 19:31:00]wakakakaka...咁應該係嘞
收到禮物就最開心 果然係由食到扮靚靚都有 哈哈
回覆刪除[版主回覆09/19/2010 16:16:00]係呀...真係成個人都照顧得到
個煲呔好令呀
回覆刪除[版主回覆09/28/2010 10:18:00]係呀...我好鐘意隻煲呔髮圈