因為個湯有當歸,我之前一直都唔敢煲係因為我地既見解就係男人唔適宜食當歸,但係喺出面好多人都賣當歸湯,當中男人飲既都好多,唔通台灣男人特別係可以食當歸
一般人覺得男人比女人較燥熱,所以男人唔適合飲...於是我上網搵過資料,原來男人唔可以食當歸係冇根據既
當歸主要功效有助補血調經,活血止痛,如氣血不通的亦可食用當歸 ,例如暗瘡或痔瘡亦可...其實只要唔係燥熱 . 感冒發熱人士,當歸男人都可以飲!!
材料:烏雞半隻/1隻 . 人參鬚1把 . 當歸2-3片 . 紅棗5粒 . 杞子一小杯 . 米酒1杯
1. 先將雞放入水中煮10分鐘去雜質洗淨
2. 另備一煲水加入所有材料煲至大滾後轉小火煲2小時(可用燉盅隔水燉)加少許鹽調味即成
wakakaka ... 仲唔係我第一
回覆刪除飲番一碗先
[版主回覆08/17/2010 10:07:00]叻叻
吖 ... 我唔識都以為當歸唔岩男人飲添
回覆刪除仲有呀, 我仲以為夏天唔好飲補湯架
知識貧乏 ......
[版主回覆08/17/2010 10:14:00]其實係因為我老公全家都鐘意飲,我以前都接受唔到當歸添架,後黎我老公帶我去食當歸鴨麵之後就愛上左嘞!!
我都係有依個疑惑,但係台灣男人十個應該都有7.8個都食,我咪上網check清楚囉,原來當歸唔係女人專利
個湯真係好好飲...俾碗妳試下
過黎你呢到飲番碗先得 !!
回覆刪除k
[版主回覆08/17/2010 16:06:00]妳自便呀
正~我最愛人滲湯!!!
回覆刪除[版主回覆08/18/2010 17:35:00]係呀...加埋當歸好好飲~~
係囉~ 上次妳問完我後，我都上網做過research，同妳講既一樣! 不過我聽V媽媽 + 好多auntie 講都話當歸好燥，所以男人唔食得~ 我自己燉來食，V媽媽又叫我唔好比老公食.......都唔知佢地喺邊度聽返來?? (哈哈~~~ V爸爸好慘 - 次次V媽媽當歸燉牛展都唔比佢食! 好鬼正架~~~~)
回覆刪除咦~ 妳果邊有烏雞賣又幾好喎!
[版主回覆08/18/2010 17:34:00]上次問完妳之後我有一段時間唔俾我老公食當歸,我地好鐘意睇DVD時食當歸鴨公仔麵,佢冇得食好慘呀
之後都係上網睇返先知係得既...其實莫講話V媽媽+auntie呀,我媽咪同auntie知道都會叫我老公唔好食...我覺得依個流傳可能只限廣東人
其實妳都知道男人食得,妳燉黎食,我覺得Mr.T都唔會食(佢一定接受唔到果陣味) 燉牛展應該好好味,依邊應該有,不過未食過
有呀,依邊都有得賣,不過價錢比一般雞貴d...
咦.....原來妳媽媽 + auntie 都係咁講呀? 點解廣東人會有咁既唸法既呢??
回覆刪除我老公唔食當歸架~ 陣味唔啱佢! 慳返~~~~
[版主回覆08/19/2010 08:05:00]真係好難理解...不過男人唔食都冇問題啦,當歸唔係個個都受到陣味!!
當歸陣味比好多中藥勁,妳老公接受唔到係正常...
我家人以前也常有飲人参湯........
回覆刪除[版主回覆08/20/2010 07:59:00]真係好好飲