最近又想整蛋糕,但屋企冇哂低粉同幼砂糖,拿拿淋出去入定d貨,去到超市乜粉物粉果欄俾我見到滷水包隔離有新出一種佳輝紐奧良烤雞既醃粉(因為依排成日見到KFC廣告在賣紐奧良雞塊,其實我係未食過)就買返黎試下好唔好味囉,屋企又有雞槌諗住滷既,買左依盒就試下整啦
又幾香口喎,有少少辣辣地,唔知同KFC果d一唔一樣呢
1. 將醃粉加入水拌成粉漿,再加少許糖和麻油拌勻
2. 雞槌洗淨加入(1)的醃醬中醃最少4小時
3. 將雞槌放入焗盆中,在雞的表面掃上一層油
4. 放入已預熱180C焗爐中焗20-25分鐘,反轉再掃油再焗20-25分至表面金黃熟透即成
好吸引呀 !!!!!!!!!!!!! 我又想食一件呀 ^^
回覆刪除[版主回覆08/20/2010 18:26:00]一件好嘞,因為佢有d辣,驚妳個胃唔受得
d色焗得好靚、好吸引呀! 依家煮餸真係好方便！
回覆刪除[版主回覆08/23/2010 10:44:00]係呀...好入味!!
而家有賣醬料,想煮咩都方便好多
焗出來好靚喎~ 應該幾好食!
回覆刪除[版主回覆08/29/2010 09:31:00]辣辣地都唔錯,但唔知似唔似KFC果d呢
唔知香港有冇昵隻香料呢?妳焗得好靚呢~見到都想食!
回覆刪除[版主回覆08/30/2010 21:54:00]香港冇依隻都有大把其他野可以整啦