墾丁-->夏都

一年一度既墾丁之旅又來喇,從我第一次去墾丁既時候就被佢吸引住喇,我+老公勁愛依個地方,所以決定每年4-5月一定要去一次!老公已在4月就開始訂hotel喇,在我們的選擇有兩間,一間係夏都,一間係凱撒,依兩間係墾丁最好既hotel,而且一到4,5就開始冇位,所以要住佢地既房就必須提早訂,最後因為凱撒的房冇乜view,老公就決定住夏都...夏都有咩咁巴閉?除左佢有一個私人沙灘外,去年大賣既電影"海角七號"就係o係夏都拍架喇,又真係難怪咁受歡迎,夏都有分幾個館,真係好大....老公訂房既時候已經冇1大床喇,只有兩張細床,所以我地就想去到hoel再同櫃台要求,當日我+老公6:00就出發,到達墾丁已經10:00,我們食左個M記breakfast之後就去hotel check in,老公第一時間同櫃台小組講我地想要1大床...因為提早到,check in時間係12:00,而且住在夏都既人係唔會咁早check out既,咁正既hotel唔到最後一刻都唔捨得走!最後我地由10:30等到12:30,岩岩我地食完lunch hotel就打電話俾老公話可以攞key了,我地返返去lobby,櫃台小姐就同老公講: 林先生,你的房間會有點大喔,希望你入住愉快...我地跟住個行李員去到房打開門,嘩....我的媽呀!這也太大了吧,由兩細床變左1大床+兩細床,由$3999既普通房upgrade到$6999既家庭房,也太爽了吧所以早到係著數好多...

        

菜肉包

之前o係blog友個blog裡面有教整點心,我見到個蝦餃整得好靚,我又好鐘意食,所以諗住整黎試下啦,點知搵極都搵唔到澄粉,所以就放棄左,遲d搵到再整,但又俾我見到另一種點心,就係菜肉包,因為老爺好鐘意食,所以我就整依個俾佢當早餐,依個我就可以買到材料喇,但係blog友o個個係包粉我依邊又係冇,吹漲...唯有自己買麵粉返黎搓啦....終於買晒所有材料,就跟著網上教整麵包皮既方法整,成功左,...因為麵包皮份量唔夠,仲有料剩,就再搓多一次麵粉,雖然包得冇出面既靚,不過好食最重要,老公同老爺都話好好味....yeah! Happy

          

麵包皮做法參考韋太烹飪教室

http://irenechanwai.mysinablog.com/index.php?op=ViewArticle&articleId=520166

鹽酥雞

好多朋友都黎過台灣但都未食過鹽酥雞,前日口痕就買$100返黎食啦,鹽酥雞係我食過台灣小食中最好味,因為我好鐘意九層塔既味道,炸出黎真係好香

因為台灣實在太多地方賣鹽酥雞,同一個夜市都有不下10間,要搵好食既真係好難!偏偏我依邊有兩間真係我食過最好味既,一間叫"龍",同另一間叫做"台灣第一家"既攤檔,o係我依邊依兩間日日都大排長龍,因為依兩間特別好味既原因係佢地除左有拍定既九層塔之外,仲加左蒜頭,而"龍"仲加埋洋蔥,同埋唔似有些店將d雞肉炸到又乾又硬,佢地炸到岩岩好,外面酥脆入面又軟又唔會乾,真係好食到爆!!!而"台灣第一家"係連鎖店,相信好多地方都搵到,大家如到台灣可以搵黎試下,我個人特別推薦

     

    

其真鹽酥雞攤檔仲有其他食可選擇,但我個人只係鐘意食佢d雞,yummy yummy...因為前日"龍"冇開,今日再去買黎食下先

Pricess上o左Times

之前我們家的小Nicole做左佢學校website既封面,前兩個星期又上左Times既副刊,我們的小Nicole已經成為佢學校的宣傳大使喇....琴日收到大姑奶寄黎的Thank you card,入面附上Nicole上報紙既picture,雖然同website張相係一樣,但我地睇到都好自豪,佢甜美既笑容又一次出現在我們睇前,特別係我老公,Nicole一直係佢既小公主,見到佢上報紙興奮個幾個禮拜...除左我老公開心,仲有我老爺都一直微微嘴笑!聽大姑奶講Nicole daddy都好自豪,覺得自己個女令佢好有面子!

                         

除左報紙,梗係唔少得Nicole親手寫既Thank you card啦,雖然d中文係大姑奶代寫,但係見到佢親手寫既字仔,我們又開心了好耐佢多謝我地重視佢既birthday,因為我做左個不織布蛋糕俾佢,大姑奶話佢見到o個刻講唔到野,只係一直笑,因為佢大開心,我知道佢好鐘意個蛋糕,我都好開心

         

白汁雞皇飯

之前見到blog友教整白汁雞皇飯,我一見到就心郁郁想煮,但係又唔敢煮,因為我家老爺唔鐘意我o係出面買雞,話d雞要自己養先至好食喎,但係次次都要等佢養大d雞去劏,劏得黎我就唔想食喇,於是琴日就去supermarket買雞肉返黎煮,因為驚老爺唔食,我就唔敢煮咁多,但出黎既效果好好,老公話好好食,我本來想加bacon配pasta,但係老人家又唔鐘意試西餐又唔鐘意bacon最後都係配飯!賣相係就冇blog友既靚,不過第一次整有咁既味道我就好滿足架喇....下次一於改配意粉先得