新年煮d乜

新年差唔多過完喇,我在此同大家拜個年先,祝大家虎年發大財,事事如意,心想事成,合家平安,身體健康

適逢今年過年寒流襲台,攪到成個人都懶洋洋,影左好多相又唔想整,好唔想郁呀!!但係今日老公開始要返工,而休息已久既垃圾車終於出黎收垃圾,我再懶都係時候要update下blog嘞

每逢過年我都特別忙,除左大掃除,仲要準備過年食品,上至拜神既三生,下至全屋人食既三餐我都係一個人煮哂,所以盡量以簡單為主

年三十晚~~打邊爐,係台灣人既習俗,稱之為"圍爐"...依個就簡單,唔駛點煮,湯底+料係黎至小嬸阿姨既店,所以是晚比較輕鬆,仲有一煲我煲既鮑魚螺頭煲雞,但唔記影相已經被飲哂

大年初一朝早食素,中午就滷左煲筍乾豬手,略嫌筍乾太鹹,因為太奶奶曬既筍乾食哂,要係出面買,冇咁好味,但豬手好腍好有膠質

仲有就係筍子湯,台灣人好鐘意食筍,咩筍都有,62買依隻係冬筍,細細隻又好貴,不過佢好脆,個湯好鮮甜好正

是日仲有煙燻小卷少蜜豆

草菇炒西籣花,買左一罐草菇返黎打開點知得個丁屎咁多,早知道買多罐啦~~

年初二朝早同老公去做野(佢公司過年都要佢做市調,也太那個了吧)之後下晝去太99度拜年,舅62就叫我地帶一大箱提子返黎(太奶奶同舅老爺係種提子,好甜,但我唔好有核提子,所以我唔食,但小朋友就好鐘意食!)外+一盒烏魚子

初三就煮左個臘/膶腸北菇雞飯,略嫌雞放太多,攪到冇乜臘味味,不過都好好食

仲有就緊係黎個鹹湯圓啦,今次除左用雞 . 雞雜外,仲加左瑤柱同埋蠔豉,但老公唔鐘意食蠔豉,俾我揀哂黎食,正...

當然唔少得既烏魚子啦,我同老公既至愛,因為今年台灣烏魚子既產量好少,又要供應俾日本(日本人又係好瘋食烏魚子)攪到d烏魚子好貴,依盒就係屋企唯一一盒(係姨奶奶放係太奶奶屋企,話俾我地既...)用米酒蒸熟切片,配埋大蒜同白蘿蔔一齊食,勁正!!就係咁一對烏魚子俾我+老公清哂

之後食既都係大同小異,屋企仲有好多存貨,真係唔知幾時先食得哂d肉...