自製生鹹蛋

鹹鴨蛋可能對一般香港人黎講周街都可以買得到,但我係台灣生活之後發現原來只係個一個普通既鹹蛋都搵唔到,我講既係生鹹蛋,台灣竟然冇得賣,只有熟既鹹蛋(真係吹漲)平時想滾個湯都冇

終於上個月係Mrs.T既blog度見佢教自家整鹹蛋,T太真係幫左我個大忙,我唔駛再四圍搵生鹹蛋,即刻去買左10隻返黎試,而Mrs.T教既兩個方法我都有試,詢Mrs.T要求post出來分享

左邊係用鹽水浸製法,係我第一批鹹蛋,右邊為裹鹽法,可能裹鹽法裹既時間冇咁耐,出黎既效果冇鹽水浸咁好,味道又有少少淡,我只係攞隻黎試,其他我仲等佢裹耐d再煮

鹽水浸製法,依個係我今日新浸製既,因為最後一隻鹽水浸既琴日落左我老公同老爺個肚,因為個人覺得依個出黎既效果好好多,味道夠,而且浸既時間短,我可以快d有得食嘛

裹鹽法,試左1隻味道同顏色都唔係好夠,所以都係要耐d再睇下效果

如果大家想試試自己整,製造過程請參考V女廚房,我係依度唔再作介紹喇!