肉燥

因為滷豬脷剩返都幾多滷汁,我又唔鬼捨得倒左佢,見雪櫃又有一包肉碎,一於整煲魯肉

滷豬脷

之前從未整豬脷(因為老公聽到都怕怕)所以一直都唔敢買,但早幾日去街市見到有賣,心郁郁想試下整,因為自己又想食,同埋我唔講老公係唔會知係咩黎既

將豬脷飛水5分鐘,用竹簽叉住以固定豬脷備用

滷汁: 豉油 . 水 . 冰糖 . 蒜頭數粒 . 薑3-4片 . 月桂葉數片 . 八角數粒

幾滷汁煮滾放入豬脷,待再滾轉小火滷30分鐘,熄火浸20-30分鐘,

切片灑上蔥花和少許香油/麻油,再淋上滷汁即成....

最後老公知道係豬脷都敢食,仲清晒添

新港生炒鴨肉焿

琴日買完毛巾之後已經差唔多4點,因為老公超級掛住嘉義新港生炒鴨肉焿,佢係大陸既時候已經講明話返黎要去食,佢仲晒鴨肉焿毒喇

依碗就係老公夢寐以求好耐既生炒鴨肉焿喇,佢有咩咁巴閉?會令到老公成日掛住

仲要揸成粒幾鐘去嘉義食佢個碗仔...就係因為佢夠好食又地道

佢仲係只些一家,絕無分號,所以大家如果黎台灣,見到嘉義新港以外地方有鴨肉焿賣,佢就唔係正宗,好多家電視台都去採訪

所以佢地可以咁囂張賣$30一碗仔都仲會有好多人大排長龍去食啦

仲有佢只係賣鴨肉焿架咋,冇其他食物,都係咁鬼受歡迎

而且老闆堅持唔俾開分店,話說老闆兩個仔女想各自出黎開分店都俾老闆拒絕

老闆驚分店唔夠正宗會拆佢辛苦經營既招牌

所以最後兩個仔女輪流經營間老店一星期

最後老+老公每人整左碗,老公唔夠喉再外帶兩包(每包$100)返屋企做配晚餐

興隆毛巾觀光工廠

上星期老公經朋友介紹,帶左佢去參觀一間係雲林虎尾既毛巾工廠,老公返到黎同我講話我一定會鐘意一定要帶我去參觀

懶人早餐~~蛋餅(台式Pancake)

又係一個適合懶人煮既早餐,難得我同老公+老爺都鐘意食,仲有會好食到之前細皮蛋日日要求我整俾佢做早餐

自製生鹹蛋

鹹鴨蛋可能對一般香港人黎講周街都可以買得到,但我係台灣生活之後發現原來只係個一個普通既鹹蛋都搵唔到,我講既係生鹹蛋,台灣竟然冇得賣,只有熟既鹹蛋(真係吹漲)平時想滾個湯都冇

終於上個月係Mrs.T既blog度見佢教自家整鹹蛋,T太真係幫左我個大忙,我唔駛再四圍搵生鹹蛋,即刻去買左10隻返黎試,而Mrs.T教既兩個方法我都有試,詢Mrs.T要求post出來分享