豉油雞翼(附食譜)

屋企咩都冇,就係好多調味料!之前同親老公黎台中就行超市,見到d調味香料就買返黎,而家我廚房個櫃擺滿好多,要快d用咁d,如果唔係過期就煩嘞!



依個餸係第二次煮架嘞!!雞翼真係好送飯


依樽小磨坊出品既香茅粉喺普通超市未見過,同埋我一直想買樽香茅粉黎煮餸,見到唸都唔唸就買返黎!買咗一直冇用過,因次前都係用新鮮香茅煮餸,直至上星期捰返佢出黎煮雞翼!!

唔用唔知佢咁把鬼,一d香茅味都冇!雞翼本身點煮都好食既,所以個餸有冇佢真係分別唔大.....不過我會將佢用完既,冇謂嘥嘛


豉油雞翼

1. 雞翼洗淨,薑數片備用
2. 燒熱油鑊落薑片爆香,落雞翼煎至表面金黃
3. 加少許水 . 豉油 . 糖 . 香茅粉(如有)煮至滾轉小火蓋上蓋煮熟即成